袁偉豪言行率直全因唔夠瞓所致 負評新聞影響接Job難逐一澄清
2022-10-11 11:30 
性格率直的袁偉豪過往因為網上留言而多次與網民展開罵戰，尤其與張寶兒結婚後，流言蜚言變得更加多。早前接受港台節目《安哥同學會》訪問時，入行25年的袁偉豪，可能經歷過太多起跌，所以當機會來到的時候，難免會比較認真，希望好好把握：「其實唔止對工作，甚至對自己的人生都必需要認真，但係我有時都覺得呢種認真嘅態度，似乎都唔係好適合喺呢行發展。」他又稱近年因為某些情況令他多了表達意見，有時對自己都出現了問號。
【相關閱讀】
【點擊睇袁偉豪張寶兒恩愛相】
雖然袁偉豪希望在在幕前演出、幕後製作甚至係人際關係都想做到最好，但因為一個原因而出現了問題：「有時可能比較唔夠瞓，啲EQ就會低啲，會導致言行上比較率直，不過我自己本身唔係太識用花言巧語去表達自己，或者係同人哋去交流，我只想希望直接表達件事，可能咁導致近年人哋對我印象唔係太好。」
對於閒言閒言，袁偉豪表示作為藝人，很多情況都是身不由己：「事實嘅真與假都唔知係咪嗰回事，再加上除咗自己本身，喺呢行都要同好多單位合作，先可以成就大家睇到的娛樂新聞。我唔係話刻意去製造新聞，只係有時大家喺工作上各有所需，佢有佢寫，我有我自己，但偶爾都會覺得好氣餒，我辛辛苦工作，亦都喺自己人生上有咗個選擇、搵到個我適合嘅人建立家庭，喺心靈上到我嘅依靠，但係好似呢兩年，自從我結婚之後，多咗好多閒言閒語，我都覺得有啲灰心。」
主持人安慰袁偉豪凡事只要問心無愧就可以，所有聲音都有過去的一日，但袁偉豪說：「而家互聯網發展好快，同埋每日嘅報道同資料都會存檔，而入面好多事情都唔係真。可能我啲工作客戶想了解我會SEARCH我，嗰啲唔屬實資料會留咗喺我嘅檔案，我好難去澄清所有，呢方面會令我覺得唔係咁好。」
【其他閱讀】
美麗戰場｜《愛回家》樊亦敏出場5分鐘成整集最佳演員 八婆嘴臉加寸爆對話搶晒鏡
上山詩鈉女兒Hilary私服靚相大合集！混血靚樣人氣急升狂吸fans
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應