深宵閃避球丨鄭伊健再帶隊謝票 首談堅持留港拍戲原因

鄭伊健及周家怡率領一眾新晉演員包括李靖筠、陳海寧及鍾雪瑩等主演的《深宵閃避球》已上映！伊健繼兩周前帶隊突擊謝票後，日前全體再度空群而出，一日內答謝近千位觀眾支持。眾演員於謝票期間積極回答觀眾疑問並分享感受，其中一場有觀眾問到伊健為甚麼堅持留港拍港片？伊健認真回答：「大家都喺香港生活咗咁耐，呢幾年的確發生咗好多事，我自己係好鍾意電影同漫畫世界，電影應該係抽離，唔應該將真實重演一次，我接到《深宵閃避球》劇本嘅時候，覺得係呢個喇，我哋目前需要呢樣嘢，因為而家係欠缺咗呢樣嘢。無論劇本、演員、導演同埋諗法，都係一致。希望大家睇完都會感受到呢一份能量。」

伊健帶隊謝票。

《深宵閃避球》導演應智贇發表講話。

眾人留心聽觀眾提問。

而周家怡於謝票後則指：「因為部戲齊心，所以我哋謝票都好齊心！」身旁的伊健則打趣表示不認同：「唔係，其實係因為導演一直監察住我哋！」

同場的李靖筠（Gladys）、陳海寧（Dee姐）及鍾雪瑩表示沒想過再次有機會跟隨伊健謝票，大讚他是一個滿分的大哥哥，Gladys指：「伊健成日都鼓勵我哋講多啲嘢，仲擔心自己搶咗Focus，佢真係好錫我哋呢班演員」；而Dee姐則感性表示：「伊健真係一個好關心後輩嘅人，佢同過我哋講，呢個精神係佢師傅羅文教佢。記住人哋對我哋嘅好，要再同樣咁樣對人哋。」

李靖筠簽名中。

Dee姐。

祝電影大收。

周末邀請得客串演出的許廷鏗（Alfred）及朱栢謙到場支持，Alfred更獻出其處男謝票，心情興奮的他表示：「我好耐冇同大家咁近距離接觸，希望大家會開心見到我哋嚟謝票。特別多謝朱栢謙，如果唔係佢，我好大機會唔接呢部電影，因為其實係佢引導我去演戲，幫我打開咗一道我以前唔敢衝破嘅門。」

許廷鏗處男謝票。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ