Gareth T.首開騷優先訂購兩個鐘完售 怕受傷唔准自己踢波
2022-10-13 14:30 
香港樂壇新星湯令山（Gareth T.）今年多次上紅館為其他歌手擔任演唱會嘉賓，每次都大受歡迎。Gareth T.亦將會首度開騷，下月18至20日在九展Star Hall舉行三場個人演唱會「Gareth.T 湯令山 November Rain 2022」。昨日（12日）優先訂票，門票在兩小時內爆滿！而公開售票則會在18日開始。Gareth T.知道好消息後，回覆說：「好開心知道呢個消息，不過任務仲未完成，仲有好多好多好多準備工夫要做！我會繼續努力！多謝支持。」
【點擊睇Gareth T.做紅星演唱會嘉賓】：
今次演唱會以Gareth T.在2020年底寫的歌曲《November Rain》命名，他直言：「我希望11月，為文化沙漠下一場雨，我就係個場雨。」提到今次演唱會，Gareth坦言有點焦慮，因為要籌備的事太多，由舞台，音樂、表演、以至演唱會紀念品，他都一一參予其中製作，忙但亦樂在其中。Gareth T.表示：「忙有時會令我焦慮，但而家最大嘅情緖當然係興奮，我有責任要比到最好嘅表演比觀眾，所以我咩都參予，我自己演唱會，我一定係肩負最大責任個一人！辛苦啲沒問題，最重要成果滿意。」
忙於準備演唱會的Gareth T.，也在IG發文，記低演唱會7點備忘：「1. 歌迷，朋友最重要，不要在我首次個人演唱會令他們失望。2. 每日練歌，因為這樣唱歌才不會不夠氣。3. 打拳、跑步和跳繩時，不要留力，因為帶氧運動很重要。4. 學習妥協和接受，出現小問題和失敗只是正常事。5. 如果第一次演出並不完美，先專注做好自己本份，其他都不重要。6. 食得健康，學習適當時候放鬆。7.不要弄傷自己，不要踢足球。」Gareth仲話佢一定會做到。
【其他閱讀】：
東張西望丨伯伯修眉改運變半眉老人 剃完再sell兩千蚊紋眉套餐成街坊笑柄
爆肌女星逆天而行！陳自瑤21吋腰有人魚線 落選港姐身材震撼腹肌仲驚人
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應