陳瀅自爆遭渣男EX醉爆動粗硬食「鐵頭功」蔣家旻分享被前度又食又拎遭遇

2022-10-24 12:30

TVB台慶劇《美麗戰場》已經進入結局篇，劇中丁子朗飾演渣男角色，引起不少共鳴，想不到在現實生活中，陳瀅亦曾經遇上渣男，更自爆試過被打！

日前導演兼編劇葉念琛與女主角陳瀅、蔣家旻、劉佩玥、丁子朗、陳曉華、林盛斌Bob以及張馳豪齊為TVB網上節目《See Saw先》擔任嘉賓，阿Bob問陳瀅有否遇上渣男，她想也不想便說：「有，一定有，佢仲打我。」葉念琛有點愕然地反問有否還手，陳瀅續說：「唔敢，佢大隻過我嘛，咁大力點還手呀！我覺得嗰吓還手，我要入院。」遇渣男嘅又點止陳瀅一個，蔣家旻、劉佩玥同陳曉華都有遇過，睇吓佢哋點講！

【相關閱讀】

美麗戰場｜陳瀅結局篇終極黑化與劉佩玥聯手怒插陳山聰

【逐格睇陳瀅、蔣家旻、劉佩玥同陳曉華遇過乜嘢渣男】：

陳瀅亦曾經遇上渣男，更自爆試過被打！

大家追問當時情況，陳瀅坦言當時大家都有少少醉：「我唔記得係為乜嘢發脾氣，我覺得佢係想用手郁，但係可能佢又覺得自己係男人，點都唔可以郁手，所以佢只係郁腳同郁頭。」

其後陳瀅再解釋：「佢佢好似踢咗一吓腳，但係個頭係最痛，因為佢個頭真係好鬼死硬。」

阿Bob忍不住問究竟有何分別，葉念琛更笑問這位前度是否足球員，所以只是用腳和頭。

Bob忍不住問有冇分到手？

事隔多時陳瀅表現狀甚輕鬆，但當時的確令她很傷心：「我哋過咗一陣先分手，因為當時係好驚，驚即刻分手會仲驚，最後過咗個零月先分手。」

陳瀅話從此就好討厭嗰啲太鍾意飲酒嘅男仔拍拖，酒品係好緊要。

後來蔣家旻亦自爆曾遇到「最渣」的男友。

蔣家旻話：「出軌嗰啲都唔算最渣，最渣係有一個人同我講分手，但係講分手呢，唔係直接講，我係嬲佢做咗一啲嘢，佢就係咁意每一日打電話畀我，氹吓我，但係我好嬲冇理，佢打咗幾日之後，就冇再打喇，跟住仲消失咗成個禮拜。」

時蔣家旻覺得有點奇怪，追問之下，對方竟然說這階段需要獨處：「佢仲話自己有啲經濟壓力，咁我梗係信喇，咪俾啲時間佢，我覺得只不過係暫時分開，而唔係完全分手，我仲有啲嘢喺佢度，我咪懷住一絲希望，佢冇畀嘢我咪冇事。」

當時蔣家旻好天真以為只是分開冷靜一下！

直到有一天，蔣家旻打電話叫前度去樓下拎外賣，發生了令她大為意外的。

蔣家旻話：「佢竟然執晒我啲嘢落嚟，乜都冇講就直接擺上我架車，之後若無其事拎咗啲外賣就走咗，我嗰刻個心好唔舒服，又唔敢去表達，慢慢feel到佢應該係同緊一個我識得嘅人拍拖，嗰個女仔仲係我曾經同佢講過，我最近同男友分咗手，個女仔仲扮冇事，仲叫我要同個男仔講清楚，我當佢係好朋友，估唔到原來係咁樣，我寧願個男仔好決絕講分手！」