陈滢自爆遭渣男EX醉爆动粗硬食「铁头功」蒋家旻分享被前度又食又拎遭遇

2022-10-24 12:30

TVB台庆剧《美丽战场》已经进入结局篇，剧中丁子朗饰演渣男角色，引起不少共鸣，想不到在现实生活中，陈滢亦曾经遇上渣男，更自爆试过被打！

日前导演兼编剧叶念琛与女主角陈滢、蒋家旻、刘佩玥、丁子朗、陈晓华、林盛斌Bob以及张驰豪齐为TVB网上节目《See Saw先》担任嘉宾，阿Bob问陈滢有否遇上渣男，她想也不想便说：「有，一定有，佢仲打我。」叶念琛有点愕然地反问有否还手，陈滢续说：「唔敢，佢大只过我嘛，咁大力点还手呀！我觉得嗰吓还手，我要入院。」遇渣男嘅又点止陈滢一个，蒋家旻、刘佩玥同陈晓华都有遇过，睇吓佢哋点讲！

【相关阅读】

美丽战场｜陈滢结局篇终极黑化与刘佩玥联手怒插陈山聪

【逐格睇陈滢、蒋家旻、刘佩玥同陈晓华遇过乜嘢渣男】：

陈滢亦曾经遇上渣男，更自爆试过被打！

大家追问当时情况，陈滢坦言当时大家都有少少醉：「我唔记得系为乜嘢发脾气，我觉得佢系想用手郁，但系可能佢又觉得自己系男人，点都唔可以郁手，所以佢只系郁脚同郁头。」

其后陈滢再解释：「佢佢好似踢咗一吓脚，但系个头系最痛，因为佢个头真系好鬼死硬。」

阿Bob忍不住问究竟有何分别，叶念琛更笑问这位前度是否足球员，所以只是用脚和头。

Bob忍不住问有冇分到手？

事隔多时陈滢表现状甚轻松，但当时的确令她很伤心：「我哋过咗一阵先分手，因为当时系好惊，惊即刻分手会仲惊，最后过咗个零月先分手。」

陈滢话从此就好讨厌嗰啲太锺意饮酒嘅男仔拍拖，酒品系好紧要。

后来蒋家旻亦自爆曾遇到「最渣」的男友。

蒋家旻话：「出轨嗰啲都唔算最渣，最渣系有一个人同我讲分手，但系讲分手呢，唔系直接讲，我系嬲佢做咗一啲嘢，佢就系咁意每一日打电话畀我，氹吓我，但系我好嬲冇理，佢打咗几日之后，就冇再打喇，跟住仲消失咗成个礼拜。」

时蒋家旻觉得有点奇怪，追问之下，对方竟然说这阶段需要独处：「佢仲话自己有啲经济压力，咁我梗系信喇，咪俾啲时间佢，我觉得只不过系暂时分开，而唔系完全分手，我仲有啲嘢喺佢度，我咪怀住一丝希望，佢冇畀嘢我咪冇事。」

当时蒋家旻好天真以为只是分开冷静一下！

直到有一天，蒋家旻打电话叫前度去楼下拎外卖，发生了令她大为意外的。

蒋家旻话：「佢竟然执晒我啲嘢落嚟，乜都冇讲就直接摆上我架车，之后若无其事拎咗啲外卖就走咗，我嗰刻个心好唔舒服，又唔敢去表达，慢慢feel到佢应该系同紧一个我识得嘅人拍拖，嗰个女仔仲系我曾经同佢讲过，我最近同男友分咗手，个女仔仲扮冇事，仲叫我要同个男仔讲清楚，我当佢系好朋友，估唔到原来系咁样，我宁愿个男仔好决绝讲分手！」