陳瀅再著高衩裙上落樓梯撳到實 前低胸後露背出活動Chur到盡

陳瀅今日身穿低胸高衩晚裝出席商場的聖誕開幕亮燈儀式，自上次在《美麗戰場》宣傳活動穿高衩裙走光後，她再次性感上陣，今次上落樓梯時用手遮掩高衩位置，坦言做足防走光措施，笑稱着了4條打底褲，並黐了很多膠紙。唔想再走光的她說：「女仔點都唔係咁好。（出來之前已check好？）每次都有，但上次失手可能因為掛住拖阿Moon（劉佩玥），所以我以後唔會拖佢。（絕交？）唔會，但會鬧佢，最衰都係你。」

陳瀅件衫露前露後又露下。

為防走光，撳實先。

公主咁。

唔晒露晒，少少髀肉勁誘惑。

當事人笑稱已著四條打低褲。

好華麗呀。

好多人傍住出場。

聖誕節將至，陳瀅或會與好友先去日本遊玩，之後再返溫哥華與家人共度聖誕，1月便會返來準備出席台慶頒獎禮和拍劇。問有否留意被指暗寸她的龔嘉欣所主演劇集《新四十二章》抽起，或無緣與她爭視后，陳瀅說：「唔知， 消息不停變，確實了嗎？劇集很多時會有前後調動，《痞子》本來都唔係呢個時候播，《美麗戰場》亦提早播。（少了競爭對手？）不會，每年到頒獎禮，很多演員一齊提名，所以不會少。（可有信心？）有信心在最佳衣著。（你之前已獲此獎。）攞多次先威，要冧莊。」不過她仍未準備戰衣，笑言台慶太多女仔爭，今日自己一個先着靚靚示人，又笑稱怕旅行後會肥，看到時身形再選擇戰衣。

陳瀅有少少肉其實幾好睇。

睇佢幾靚。

呢啲大髀真係白滑嘞。

開心透露下月返加拿大過聖誕。

呢張好Wallpaper。

再問聖誕佳節會否在溫哥華識男仔？她笑說：「都是去見中學和大學同學，家姐會帶我去拉斯維加斯玩，睇下嗰度有冇靚仔，溝下鬼仔。不過其實都唔會，我會揀中國籍男仔拍拖。」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ