梁詠琪明年2月紅館開騷 著鮮紅漆皮外套影海報霸氣十足

闊別紅館五年，Gigi梁詠琪宣布明年2月17、18日再次踏上紅館舞台，舉行一連兩場《梁詠琪 時間遇上我們》演唱會。日前Gigi為個唱拍攝海報，穿上Lady Gaga、Blackpink@Jennie同樣鍾情的設計師Simone Rocha所設計的鮮紅色漆皮外套，令平日外表柔弱的Gigi，變得霸氣十足。

【相關閱讀】：梁詠琪著露膊晚裝現身釜山艷壓全場 46歲氣質高雅短髮顯貴氣

【點擊睇Gigi型爆嘅海報拍攝】：

Gigi決定下年2月17、18日紅館開騷。

今次係Gigi事隔5年再喺紅館開騷。

今次演唱會嘅拍攝海報中，Gigi着住鮮紅色漆皮外套加lace裙。

睇落霸氣咗唔少。

而今次演唱會以「時間」作為主軸。

Gigi話以前嘅演唱會總會着公主裙，同今次嘅造型好唔同。

唔知今次嘅演唱會又會唔會有其他突破呢？

各位fans可以期待吓喇！

「以前演唱會總會着公主裙，哈哈，但今次嘅造型好唔同，好似着住盔甲、武士道服裝，件褸好重，但影出嚟好靚、好powerful、好sharp，但亦都夾雜咗好浪漫嘅lace，好符合我今次想表達嘅主題。」今次Gigi的個唱，以「時間」作為主軸，劃分昨天、今天、明天三個部分，用歌聲與樂迷分享這幾年間的成長和體會，因此演唱會取名為《時間遇上我們》。「以往會用一種慶祝方式去打開一個演唱會，但呢幾年好多事情發生，我哋嘅舒適圈消失咗，你冇辦法改變佢，但我哋可以用呢段時間，去做一啲我哋未做過嘅事，令時間與我們重新接軌。我希望用一種比較接近劇場表演嘅方式，配合舞台、畫面嘅設計，帶大家一齊打開一個時間錦囊，去重溫我多年嘅歌。」Gigi解釋說。

知道Gigi的囡囡Sofia，也熱愛唱歌跳舞，問到演唱會會否母女檔上場？Gigi忍不住大笑：「佢好搞笑，當佢知道我開演唱會，佢問：『咁我呢？』嚇死我，以為佢想上台，原來佢擔心要返學無得去睇，其實囡囡唔會上台啦，佢喺台下搖吓熒光棒都會好開心。」

 

【其他文章】：

炎明熹13歲出道前絕密片段曝光！中分曲髮 又唱又跳 網民勁讚形象百變

29歲吳千語遊峇里慶生狂晒百億男友視角 素顏出鏡零毛孔滑過剝殼雞蛋

Anson Lo重踏舞台發抖爆喊留有餘悸 因為害怕需好好的調整心理

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ