14歲少年車禍｜全校師生摺紙鶴集氣 母感觸落淚：佢一定可以大步檻過
2022-11-16 20:09 
「紙鶴寄託住眾人祝福，畀仔仔更多力量康復過嚟」，14歲男童濰仔上周一（7日）晚上在元朗青山公路灰沙圍突遭一輛私家車撞飛十數米，目前仍然危殆，一直在生死邊緣掙扎，彭母還未盼到愛兒清醒過來，但看到濰仔所讀的元朗公立中學的「集氣板」洋溢祝福的說話，重振疲憊的心靈，彭母不敢往悲觀處想，只盼祝福說話一一成真。
濰仔出事將近9日，彭母四處奔波，每日都會在愛兒床邊打氣，濰仔盤骨碎裂，手術後情況轉好，醫生指情況正面，濰仔雖未清醒過來，但彭母相信愛兒終會捱過這關。
相關新聞：14歲仔遭車撞飛｜利濰留醫4日仍危殆 校長錄音打氣「叻仔頂住呀！」
彭母與丈夫僅有濰仔一個兒子，在她心目中，濰仔性格開朗，喜歡說笑，閒時愛看時事新聞，關心社會，夢想有一天可以搭飛機出國到不同地方的博物館參觀。自他出事後，多名同學均非常難過，而於濰仔出事前數小時，由於當時下雨，濰仔借了同學的雨傘回家，她今天重返元朗公立中學，除觀看「集氣板」的字句、祝福紙鶴外，亦替兒子歸還雨傘給同學。
彭母與丈夫細讀「集氣板」的字句，感慨萬千，沒想到兒子的人緣這麼好，許多師生均送上祝福：「我知道囝囝好鐘意講爛gag，逗得同學仔好開心，好多人喜歡同佢玩」，「集氣板」一句一心意，串串紙鶴串串心，彭母每次都是強忍眼淚，不想在學生面前流淚，怕增添同學傷感及擔心，「收咗好多好多心意卡，仲有兩隻好大隻嘅紙鶴，我已經拎咗去醫院，我相信念力可以助一個病人好返，佢一定可以大步檻過」。
對於全校的師生都為兒子寫下心意卡及摺紙鶴，彭母除了感激還是感激，「啱啱第一第二日真係好難接受，點解個個小朋友都返學，點解我個仔要瞓喺醫院，覺得真係好心痛，如果我個仔可以返學就好，見到啲小朋友咁生性真係好開心」。當彭母看到其中一張寫有「利濰同學仔，讀中史嘅人材，好仔嚟㗎，一定要平安無事，大步檻過！等你好返返嚟再上台，講啲中史爛gag！！！」的心意卡而感觸流淚，場面令人心酸。她又提到有人在慰問便條上稱兒子為「Molly」，她笑言很少人知道他這個英文名，「他自己都講自己係茂利」，因此非常印象深刻。
彭母指兒子現時的病情仍然嚴峻，一直在醫院留院，昏迷不醒，她與丈夫每天都會在病床全心全意照顧，又會向他講及近日來的國際時事及生活情況。她慨嘆當日幸好有途人及時發現報警，將兒子送到醫院搶救，否則後果不堪設想，「如果遲咗發現，佢就會流血流死，死得人㗎，而家都要行見步行步，等佢醒返之後， 再睇下醫生點講，而家爸爸退咗休，之前都仲夠洗，本來諗住濰仔大少少，我就出嚟做野搵錢，但而家呢件事真係失晒預算，醫生話康復之路好漫長，叫我哋有心理準備，將來條路好艱難」。
談起涉事的私家車司機，彭母隨即怒火中燒，直指對方不負責任，「我真係接受唔到司機車到人就走咗去，之後仲要燒車毀屍滅迹，真係太過份好冷血，如果車咗人真係唔洗負責任，真係太失望啦，我希望呢個司機受到法律制裁，唔可以撞到人就走咗去，逍遙法外， 我唔接受囉」。
相關新聞：14歲少年元朗被私家車撞飛命危 冷血司機驅車不顧而去
有同班同學表示，濰仔發生意外後，全校師生立即摺紙鶴及寫心意卡，希望送上祝福，盡快渡過難關，目前大家已經摺了逾2000隻紙鶴，並已轉交老師。他們形容濰仔為人文靜，雖然坐在課室一角，但會與同學打成一片，「真係好希望你（濰仔）快啲好返，返番校園，一齊玩，有場辯論仲等緊你」。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應