炎明熹孖曾比特台慶合唱預告明年會再度北上搵食

2022-11-17 21:50

炎明熹(Gigi)與曾比特(Mike)為《萬千星輝賀台慶》表演項目「聲生不息福祿壽」排練，Gigi表示與Mike久未見面，但自《聲生不息》合作後一直有聯絡，而當晚二人合唱外，同場更有李思捷等「福祿壽」三位前輩，但內容她則大賣關子。

【點擊睇Gigi同Mike嘅排練情況】：

Gigi表示同Mike久未見面。

但兩人自《聲生不息》合作後一直有聯絡。

Gigi擔心表演嘅時候要忍笑唱歌好辛苦。

仲擔心會又笑又喊。

啱啱返香港嘅Mike話最掛住食格仔餅。

Mike表示去內地係好好體驗。

Gigi話好想抽中台慶大獎。

Gigi同Mike台慶當晚表演項目「聲生不息福祿壽」。

唔知再次合作，兩位會有咩火花呢？

Gigi表示擔心表演時要忍笑唱歌好辛苦，她說：「朋友提我不要望他們（「福祿壽」）的臉，要望他們的鼻，但我相信仍會忍到顫抖。」Gigi笑言知道三人擅長扮嘢，問到三人中若有人扮她？她擔心會又笑又喊，但絕不會嬲因可以帶給大家開心，又指扮她要似除了齊蔭假髮外更要注意眼妝，問到當晚可會與After Class成員合體表演？Gigi再賣關子，笑言很想抽中台慶大獎，因獎品是前所未有特別，但去年中過獎擔心今年無望，「希望個獎想被我抽中啦！」

而Mike自2月赴內地後留在當地9個月，剛回港的他笑言最掛住食格仔餅，回港第一時間更是整理其爆炸頭。提到瘦了不少？Mike笑言因愛吃所以減肥，也著重身體健康。有指Mike因在內地要自力更生，有感被冷待而不滿？他說：「公司有安排經理人、在內地拍節目有前輩照顧，很感激他們，大家一齊生活4、5個月，可以互相了解。」Mike又指去內地是好好體驗，是否有不滿看他狀態便知，接下來有樓盤代言工作，更會推出單曲，明年才會回內地，希望兼顧好兩地市場，出不同語言的歌曲，「始終香港大家認識到我，內地大家又很關注我，希望照顧好每一個喜歡我的人。」而Mike去年才與所屬的環球唱片續約，但公司陸續有人離關，包括陳凱詠等離巢，他表示當時身在內地，有向同事了解，是理念不一致但沒有不愉快，希望雙方都有好發展。