Juicy叮｜港女呻$5000住船屋「中伏」 遇小強陪沖涼 半夜停電焗醒

有港女日前在網上分享入住船屋的不愉快體驗，直斥花費逾5000元入住一晚，卻遇到在半夜突然停電、未能及時聯絡工作人員等情況，「成個體驗係極差」。相關公司在回覆《星島頭條》查詢時表示，基於客人反映，公司短期內會暫停與涉事船東合作。

該名女網民近日在facebook群組「香港 Staycation 酒店交流谷」發文，提到在上月底與數名女性朋友透過一間公司租住船屋，並以5000多元租住一個晚上。在她們入住時，工作人員告知不可開多過3部冷氣，否則會跳掣停電。樓主指，眾人隨後決定在入住期間只開兩部冷氣，又指船上的衞生情況欠佳，「廁所有勁大隻小強陪沖涼，架船勁多昆蟲」，但認為相關情況亦是意料之內。 

請點擊組圖瀏覽：

樓主早前與數名女性朋友租住船屋，卻有不愉快體驗。「香港 Staycation 酒店交流谷」FB

她指，船上的衛生情況欠佳。「香港 Staycation 酒店交流谷」FB

樓主一行人最終需要船屋大廳「搵墊鋪地下瞓」，再打開船門。「香港 Staycation 酒店交流谷」FB

她指，船屋在半夜突然停電。「香港 Staycation 酒店交流谷」FB

她又指，客服人員未有接聽電話，只透過通訊程式聯絡她。「香港 Staycation 酒店交流谷」FB

相關帖文隨後引起熱議。FB截圖

不少人對於樓主一行人的經歷表示同情。FB截圖

然而，樓主卻指隨後才是「惡夢」的開始，並提到在凌晨3時，「突然全架船停電，無冷氣無燈，勁焗…我哋熱醒咗～焗醒咗！」樓主隨即致電客服人員，但對方未有接聽電話，只透過通訊程式聯絡她。樓主指，客服人員當時只建議她們「去搵跳掣位睇下有無跳掣，同埋話如果我哋擔心安全問題 ，可以搭最早凌晨四點嗰架船家艇仔走」，令她不禁在帖文中抱怨指「請問要我哋摸黑，咁樣搭船喺海走會更安全嗎？」

樓主續指，眾人最終只能到船屋大廳「搵墊鋪地下瞓」，再打開船門，讓海風可以吹入船屋內，並提到「我哋就算人有三急想去廁所都唔敢去，因為開咗船門，出面海啲聲音都好應聲，都幾恐怖，捱咗呢幾個鐘……無人瞓得好」。樓主指，早上仍然未恢復供電，「我哋睇咗大電掣位係無跳掣，而係無電，工作人員無嚟幫我哋處理任何事」，直到早上11時眾人準備交船及離開時，電力突然回復正常，並直言「我哋真係呆咗！原來係架船唔夠電力儲備無電！（太陽能儲電？）btw，船果邊只係回應話船上供電無陸地咁穩定！」

樓主直斥，「成個體驗係極差～！我哋俾咗5千幾蚊住一晚！換嚟咁差嘅體驗！」，又呼籲其他計劃租住船屋的網民三思。她又提到，其中一名同行友人在停電後開始頭痛，直到翌日下船後仍然疼痛，並指「呢個女仔朋友係比較易接觸到鬼，諗返起都好邪！」她隨後補充指，已獲船家主動聯絡，並指對方願意主動退回70%餘款。

相關帖文隨後引起熱議，不少人對於樓主一行人的經歷表示同情，並指「5千蚊真係5星酒店套房好過，上呢啲船完全係幫人交租，佢哋又不負責任」、「建議追討返嗰$5000，太過份」、「好慘，貼錢買難受」、「錢事小安全事大，半夜停電仲要幾個女仔開住門瞓，發生咩事都冇人知」等。部分人則直言，「好彩我睇咗你post 先，原本打算試吓，而家真係咪搞」、「有你分享咗呢單野，我即刻唔book了」等。

相關公司在回覆《星島頭條》查詢時表示，已知悉事件並通知船東，又引述船東表示發電機突然故障，現已完成搶修。但基於客人反映，公司短期內會暫停和涉事船東合作。公司強調，船屋體驗活動是希望為客人帶來一個獨特的體驗，並推廣水上人的生活和文化。

帖文來源：「香港 Staycation 酒店交流谷」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ