Juicy叮｜拖小三行街撞正女友 網民戲精上身教路解圍

遇上以下情景，有可能爆發世界大戰。有人日前在社交網站facebook專頁發文，請教神通廣大的網友，萬一「同小三拖手行街被女友兜口兜面撞到，第一句應該講咩？」

網民回應請點擊組圖瀏覽：

有網友指「Hi！咁啱嘅」。網上截圖

網友獻計：「佢係我細佬嚟，偽娘」。網上截圖

網友建議稱「你係咪我啊哥條女？我係佢孖生細佬！」。網上截圖

有網民訛稱扶視障人士過馬路。網上截圖

有網友指「做緊嘢，再講」。網上截圖

有網友表示「朋友唔小心整親腳，拖住先」。網上截圖

一個是正印，一個是小三，如斯場面，網友的想法都盡量得體，希望有助緩解尷尬——「Hi！咁啱嘅」、「你好」、「做緊嘢，再講」。

最常被網友搬出場過骨的則有「我表妹」、「契妹嚟」、「佢係我細佬嚟，偽娘」、「朋友唔小心整親腳，拖住先」，甚至是「扶視障人士過馬路」。

更有網民戲精上身，變身苦主：「走，跟我去差館，光天化日之下性騷擾我，摸我patpat」，或扮有孿生兄弟「你係咪我啊哥條女？我係佢孖生細佬！」。

另有網友想趁機振夫綱，採惡人先告狀一招，「望咩呀望，多事！返屋企洗衫煮定飯等我！」、「你，你做乜喺度，邊個准你喺度」、「第一句咪話：唔洗講咁多嘢了分手啦！夠哂霸氣....咁先似男人麻、「大大聲問佢究竟約咗邊個？去邊度？近排都覺得你怪怪哋，所以至搵多個朋友嚟幫手睇睇，原來你……真係……真係……（即發脾气轉頭走）不訪一試！」。

最息事寧人，可能是「第一時間扮唔識啦」、「直接扮唔識，事後解釋話聽阿媽講當年其實係孖仔嚟，養唔掂畀咗一個親戚養」、「啊邊個！你認錯人了！！」、「認錯人啊小姐」。

帖文來源：香港單身狗關注組
 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ