Juicy叮｜男友聖誕請去旅行 港女一原因感失落被批難服侍

臨近聖誕節，不少人會選擇出外旅遊歡度節日。有港女則在網上發文指，男友計劃在聖誕節請她去旅行，但自己因為一個原因而感到少許不開心。相關帖文隨即引起熱議，並有人批評她難服侍。

該名港女日前在香港討論區以「雖然男朋友請我去旅行，但我有啲唔開心」為題發文，提到男朋友隱瞞她偷偷買機票，計劃在聖誕節一同去旅行，「我第一下聽到個反應真係好開心，但當我知道個目的地之後，就冇咁開心啦」。樓主指，旅行的目的地是熱帶國家，「其實地點都冇問題，但係聖誕節呀！係聖誕節！呢個節日梗係要凍住咁過先有聖誕氣氛，去啲咁熱嘅國家，咩聖誕冬日氣氛都冇。」

請點擊組圖瀏覽：

港女指，男朋友隱瞞她偷偷買機票，計劃在聖誕節一同去旅行。資料圖片

她指，自己喜歡「凍冰冰凍住」度過聖誕節。資料圖片

她直言，「當我知道個目的地之後，就冇咁開心啦」。《原諒他77次》劇照

有網民批評，「我係女仔都睇唔過眼，樓主真難服侍」。網頁截圖

有人則指，「性格不合，放生佢啦！」網頁截圖

有人指，「如果可以，聖誕節一定係在凍嘅地方過最浪漫」。網頁截圖

她又指，平日亦曾向男朋友表示，喜歡「凍冰冰凍住」度過聖誕節，認為「好似佢都唔將我講過嘅嘢放上心」，但指對於男朋友請自己去旅行令她感動，「不過如果去請我去啲會落雪嘅地方我應該會更加開心」，並詢問其他網民「有冇人同我一樣覺得聖誕就係要凍住咁過？」

相關帖文隨即引起熱議，不少人留言嘲諷樓主「去旅行還唔開心啊」、「港女心態，得一想二，永無滿足」、「港女唔係得個名」、「咁鐘意凍，租個雪倉入去瞓啦」、「港女嫌去泰國cheap，想去日本shopping」、「簡單啦！你再買過機票咪得囉，去邊度你自己揀，揀啲零下40、50度嘅地方去囉，夠晒凍啦」、「叫佢請第二條女去囉」等。

部分人批評「不知足！我連去旅行的資格也沒有，因沒錢及沒時間，同喜歡的人一起，日日是聖誕，所有的節日均被糖衣包裝，目的是要你消費」、「身在福中不知福」、「性格不合，放生佢啦！」、「我係女仔都睇唔過眼，樓主真難服侍」、「你想去邊？日本？北海度？北歐？南極？機票好貴㗎小姐，將就下啦」、「自己俾錢想去邊去邊，冇份俾錢又咁咁咁，最x憎」等。另外，亦有人指「如果可以，聖誕節一定係在凍嘅地方過最浪漫」、「男友冇同你溝通係死罪，分手啦」等。

帖文來源：香港討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLr