Juicy叮｜為入學問題煩惱惟丈夫毫無概念只懂質疑 港媽呻孤軍作戰

全職港媽並不輕鬆。有港媽在網上發文，大呻自己需要孤軍作戰，並指最近為小朋友入學問題而煩惱，但丈夫對學校毫無概念，卻又質疑她的決定，令她感到疲倦。

該名港媽近日在Facebook群組「巴打絲打「13親子育兒」Facebook Club」發文，提到愈來愈覺得當全職媽媽是孤軍作戰。她指，「全天湊小朋友唔算辛苦，但慘在冇咩啱傾嘅同路人」，並指自己在小朋友上學後會較空閒，但朋友在該段時間正在上班，直到朋友下班後找她談心，卻又是在晚上自己最忙碌的時候。她指，「家中大老闆會覺得我冇返工，『只係』照顧小朋友，所以晚上傾電話係失職大罪。」

她又提到，近日為小朋友入學問題而煩惱，但丈夫對學校毫無概念，只負責面試時出席。她指，在面試日參觀學校或有學校offer時，希望可以聆聽丈夫的意見時，「慘過以前返工presentation，講十次佢都好似聽唔明咁」，最終只能自己下決定。然而「決定好，老闆又會突然質疑點解學費咁貴，咁貴點解唔到另一間，所有嘢推倒重來」，令她感到甚為疲倦。她隨後又補充指，自己原本從事教育工作，一直希望將自己「最叻嘅嘢」幫助自己的小朋友成長，所以從來不覺得自己沒有貢獻，「我亦覺得我唔返工係好值得嘅，只係身邊人唔覺，先覺得孤軍作戰」。

相關帖文獲得不少同為母親的網民留言，並對樓主的經歷身同感受，「好嘅只會話佢做得好。唔好就會話你點做人哋呀媽。點解要咁咁咁」、「個個大老板都以為湊小朋友好易，自己返工先係最辛苦嗰個，你試下放低3日當畀自己休息下，畀大老板自己湊小朋友3日，佢就會體驗到什麼叫全職媽媽的辛酸，anyway加油」、「我都有呢種感覺，湊咗幾年，有啲厭倦，孤軍作戰咁」、「加油呀媽媽，我都係咁」、「有時真係好攰…但每次都同自己講咬緊牙關時間好快過…唯有係咁樣安慰自己，其實真係好攰好想放假」等。

帖文來源：「巴打絲打「13親子育兒」Facebook Club」

 

《星島頭條》APP經已推出最新版本，請立即更新，瀏覽更精彩內容：https://bit.ly/3yL