Juicy叮｜港女原諒男友偷拎首期賭波 更對兩原因感慶幸惹熱議

世界盃戰況激烈，吸引不少球迷下注。有港女在網上發文，指發現男朋友「拎咗我哋一齊儲嘅首期去賭波」，她最終決定原諒對方，更因為兩個原因而感到慶幸。

該名港女日前在Dcard討論區以「發現男朋友拎咗我哋一齊儲嘅首期去賭波」為題發文，提到與男朋友開設共同儲錢的帳戶，而近日出糧後如常匯錢到該帳戶。她指，原打算欣賞一下儲錢成果時，卻意外發現結餘減少三分二。她隨即檢查交易紀錄，最初還猜測是被人盜刷、帳戶被黑客入侵，或是男朋友因有急事需要用錢但事後忘記告訴她等。她指，不相信男友會瞞著她偷偷使用該筆款項，因此就如何開口詢問男朋友而掙扎了一段時間。

請點擊組圖瀏覽：

世界盃戰況激烈。資料圖片

港女發現男朋友「拎咗我哋一齊儲嘅首期去賭波」。《香港愛情故事》劇照

有人勸喻「早走早著啦樓主」。網頁截圖

有人直言「樓主你依家都賭得好大」。網頁截圖

有人指，「瞞住你攞到你問佢仲要講大話喎。我覺得呢個係行為同心態問題」。網頁截圖

有人直言，「你兩個果然係天生一對，男嘅鍾意賭波，女嘅賭緊自己未來嘅幸福」。網頁截圖

樓主指，「因為筆錢都唔少而且係我哋好多年來努力儲落」，因此最終決定向男朋友詢問清楚。她指，男朋友最初表示有朋友向他借錢，並指當朋友渡過難關後便會還錢。她隨即追問該朋友的身分以及對方發生何事，由於男友的回應不合邏輯，樓主當時已識穿他在說謊，但希望等待對方親口承認。

其後男友因無法承受壓力，最終承認將款項用作賭波，並指「想博一博等我哋可以快啲儲夠首期」。男友指，最初只提取自己上個月的儲蓄，「佢諗住好穩陣點知一鋪清袋」，隨後再提取更多金錢以「博一博翻身」。誰料，「結果就係越輸越多，輸得越多佢又想繼續，想博可以翻身」。樓主指，男朋友以前沒有賭博習慣，最多只是購買六合彩，並指「我好慶幸佢冇拎晒啲錢去賭，而且都冇爭人錢」，最後亦選擇原諒他，並指因為知道對方不是賭徒，而男朋友亦答應以後不會再賭博。

相關帖文隨即引起熱議，不少網民對於樓主的最終決定甚有保留，並直言「樓主你依家都賭得好大」、「快啲分手，佢可以將首期嘅錢攞嚟買波，你都知佢咩料啦」、「 以前無但係而家有啊嘛，洗濕咗個頭就已經唔得，佢依家係瞞住你偷拿你啲血汗錢去賭，呢個行為已經好有問題。今日少少錢，聽日就唔知幾多㗎啦，早走早著啦樓主」、「其實賭到成癮就係因為每次賭都相信今次一定可以贏晒返嚟。佢攞咗你地一齊儲嘅2/3嚟賭喎，瞞住你攞到你問佢仲要講大話喎。我覺得呢個係行為同心態問題，而唔係場波打成點，係咪爆冷，後者只係促成咗件事而唔係根本」、「你兩個果然係天生一對，男嘅鍾意賭波，女嘅賭緊自己未來嘅幸福」等。

帖文來源：Dcard討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yL