Juicy叮｜打工仔不解同事「博老命」工作 網民熱議背後原因

作為打工仔，為公司「仆心仆命」是否值得？有打工仔在網上發文，提到公司有同事為公司「博晒老命」，不但不願下班，而且「有嘢做一定第一個搶住做」，直言對相關行為感到不解。

該名打工仔日前在香港討論區以「你哋會點睇嗰啲博晒老命為公司做嘢嘅同事？」為題發文，提到自己認為打工仔只是「打份工」，關注是否需要「返工必定提早出現，夠鐘收工都唔肯走，有嘢做一定第一個搶住做，有時搶埋你嗰份做，放飯嗰陣有時連飯都唔去食，唔好講話去廁所同埋有時有病呢啲」。樓主指，「其實公司出糧你返工，只要做到本份咪就夠囉！為公司仆心仆命，值唔值得呢？」

請點擊組圖瀏覽：

打工仔不解同事為何要為公司「博晒老命」。《我要準時下班》劇照

有人認為是個人問題。網頁截圖

有人指，「有些人將工作當成一種精神寄託，所以做事好上心，又或者工作狂之類」。網頁截圖

有人認為是回報問題。網頁截圖

有人指，「做人要有底線，工作唔好過火」。網頁截圖

相關帖文隨即引起熱議，有人認為是個人問題，並指「人哋對自己有要求，有時候唔係為公司，係個人性格」、「個人問題。有些人將工作當成一種精神寄託，所以做事好上心，又或者工作狂之類」、「個人問題！個人責任感！」、「精神寄託也是一個原因，因為心情不好，以工作忙到自己沒有時間思考和想起不開心的事」、「性格決定命運；一家大細糊口」、「每人性格唔同，佢鍾意OT做嘢，我鍾意準時收工，冇乜問題」、「好多都係為咗逃避老婆」等。

有人則認為是回報問題，「你睇到，腦細都睇到，人地bouns出得多都唔會同人講」、「博升！？」、「人哋出幾多糧你知咩，可能高你幾倍」、「你唔想升職其他人想」、「上進心嘅嘢，你明就已經係成功人士啦，個個都只做好本分，咁大公司啲高層（打工嗰啲，薪俸稅十萬以上嗰啲）從何而來？唔通就係一大班做好本分嘅人裡面揀出嚟的？ 當然，良禽擇木而棲，係冇前途嘅公司入面努力就只有白費心機」等。

另有人則指，「做人要有底線，工作唔好過火」、「出來打工有多種原因，賺錢只係其中一種，可能樓主只有呢個原因所以唔明」、「其實啲所謂搏晒命做嘢嘅人，可能係公司個個都玩射波，老細於是將啲工作塞晒畀啲好恰又弱勢嘅員工做。個弱勢員工要做好多額外嘢，又無人會幫佢，咁佢惟有用埋自己啲時間先清得晒啲嘢，未必係佢自己想做」等。

帖文來源：香港討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLr