Juicy叮｜與女友嘈交阿媽一原因籲女方分手 港男：「嬲到爆炸」

情侶之間發生爭執已是習以為常的事情。不過，有港男則發文指，近日與拍拖3年的女朋友吵架，自己隨後在回家時仍然表現得甚為生氣。母親在得知兩人吵架的消息後，隨即致電女方，其後更做出一個行為，令樓主直斥對方自以為是，並直言「嬲到爆炸」。

該名港男在Dcard討論區以「老母幫你分手」為題發文，提到自己與女朋友拍拖3年，自己很喜歡對方，兩人亦甚少吵架。他又指，家人對女朋友甚好，「可能屋企買咗嘢會特登叫我攞過去，屋企煮嘢食都會特登煮啲我女朋友鍾意食嘅嘢」。直到日前他與女朋友吵架，兩人未有即場解決事件，而自己在回家時仍然表現得甚為生氣。樓主母親見狀後隨即詢問兒子看似不開心的原因，並在得知他與女友吵架後，突然致電女方，「講啲九唔搭八嘅嘢，但係我覺得都可以接受到嘅，因為佢都係純粹諗住叫我哋兩個唔好嘈咁樣，咩大家一家人咁樣」。

請點擊組圖瀏覽：

樓主母親詢問兒子看似不開心的原因。《愛回家之開心速遞》劇照

在樓主與女友冷戰的第二日，樓主母親突然向女方傳短訊。《愛回家之開心速遞》劇照

樓主上傳與母親對話的短訊截圖。Dcard討論區

樓主母親指，「幫你搞分手呀，費時你頭暈頭痛」。Dcard討論區

網民留言批評樓主母親的行為。網頁截圖

沒料到，在樓主與女友冷戰的第二日，樓主母親突然向女方傳短訊，並提到「如果你倆個行埋一齊唔開心，我支持你哋分手，長痛不如短痛，我唔想我個仔太辛苦，因為我一生全部希望都寄埋我個仔身上，我希望個仔開開心心，安安穩穩讀完大學，完成我的願望，唔想佢太早背晒感情壓力行！」樓主直言，「想講我拍拖拍得好開心，嘈交真係好似正常情侶，即係得閒嘈幾次咁樣，我都唔覺得好辛苦，佢就喺度自以為是，對住佢真係唔知講咩好」，並且對於母親的行為感到無語。

樓主又上傳與母親對話的短訊截圖，從相片可見，樓主詢問母親「其實你係咪黐線㗎？」，又指責母親「成日做埋啲多舊魚嘅嘢」，並指「你想搞到我哋分手咪講囉」。樓主母親則回覆指，「幫你搞分手呀，費時你頭暈頭痛」。樓主在帖文中續指，不知道其他網民會否認為他不孝，但指自己是第一次向家人「爆粗」，又指母親認為自己沒有做錯，直言自己「嬲到爆炸」。

不少網民留言批評樓主母親的行為，又指「佢唔尊重你在先，為老不尊為幼不尊，呢啲時候唔企硬呢世都被屋企人食住，祝早日同女朋友和好」、「I mean明白老豆老母會對嗰仔女有期望，but直接講到嗰仔實現自己嘅願望真係少癲」、「如果我係條女心諗，同你行到落去都未必接受咁嘅未來奶奶，走得快好世界」、「我係條女諗到將來要對住個咁嘅奶奶都會諗分手，明顯當自己個仔係人，人哋個女就唔係人」等。有人則指出，「你為咗佢咁話阿媽，就算俾你哋一齊返，你媽都可能會有怨言，好好處理啊」、「我覺得你呀媽喺呢件事上係真係有錯嘅，無理由咁樣同你女朋友講呢啲嘢，但你咁話你呀媽又有啲.... 你呀媽聽完你咁樣對佢講嘢應該會幾傷心」等。

帖文來源：Dcard討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ