Juicy叮｜細妹坐家姐男友車進食似「漏口」 自覺弄污槽無問題被批公主病

不少人乘搭別人的私家車時，會避免在車上進食。不過，有港女則在網上發文指，男朋友近日借用家人的私家車外出，並於日前順道接載妹妹外出，但指妹妹不但在車上進食，更「食到漏口咁」。港女隨後勸喻對方避免在車上進食，對方卻反問「整污糟少少有咩問題呀？」，令她不禁大呻妹妹有公主病。

該名港女日前在香港討論區以「坐人車唔食嘢唔飲嘢係咪基本禮貌」為題發文，提到男朋友近日借用家人的私家車，而日前自己的妹妹剛好要外出，「順路就兜埋佢出去」。然而，妹妹在上車後卻開始進食三文治，「仲要食到漏口咁啲碎碎跌到周圍係」，樓主隨即勸喻對方切勿在車上進食，她則反駁指「得個幾粒好易執咋嘛」。

請點擊組圖瀏覽：

樓主不滿妹妹在車內進食，更「食到漏口咁」。iStock圖片

妹妹卻反駁指「架車又唔係自己嘅，就算要清潔都唔洗你做啦，整污糟少少有咩問題呀？」《美麗戰場》劇照

有人認同樓主妹妹的行為有問題。網頁截圖

有人指，「坐人哋車唔好食嘢的確係基本禮儀」。網頁截圖

有人則認為樓主的反應太大。網頁截圖

有人則指，「係你錯，佢一食嘢就要即時阻止」。網頁截圖

隨後，妹妹再從袋中拿出一枝樽裝奶茶，「親眼睇住佢滴咗滴落凳，佢都話冇事呀好乾淨」。樓主隨即再次勸喻對方，「坐車就唔好食嘢啦，容易整到周圍都係又食得唔舒服」，妹妹卻反駁指「架車又唔係自己嘅，就算要清潔都唔洗你做啦，整污糟少少有咩問題呀？」樓主不禁在帖文中大呻「都唔明點解大家喺同一個屋企長大，佢可以有咁嚴重嘅公主病，坐人車唔食嘢唔飲嘢都好基本啫」。

帖文隨即引起網民討論，有人認同樓主妹妹的行為有問題，並指「呢個係家教問題」、「喺人地架車入面食嘢真係無家教」、「對，坐人家的車應該保持最基本禮儀，更何況車是問別人借用的」、「對的，坐人哋車唔好食嘢的確係基本禮儀」、「基本上係架車上食嘢都唔好啦，一陣味」、「其實有啲嘢真係將心比己，如果每個人以自己為中心想嘢，佢就唔會顧及別人嘅感受，所以行為也是從自己出發」等。

有人則認為樓主的反應太大，並指「真係唔關妳事喎、妳可能才是有公主病那位」、「就算喺車上面食嘢仲食到周圍都係，咁都唔駛出PO公審個妹呀」、「人哋屋企部車，有問題都係佢父母話佢啦！幾時到你出聲？」等。另有人則指兇，「係你錯，佢一食嘢就要即時阻止，唔聽就趕佢落車，而唔係縱容佢」、「教導弟妹，姐姐有責任」及「阿妹可能喺屋企張床都係咁食嘢，係架車食小小嘢，碎料啦」等。

帖文來源：香港討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ