Juicy叮｜港爸不滿女子影相打卡疑影到兒子促刪相 一舉動被質疑侵犯私隱

雖然香港沒有肖像權，但是在街上拍照時亦需要多加留意。有網民在網上發文指，日前在飲品店目擊到一名女子打算為手上的飲品拍照「打卡」時，一名父親卻上前指責對方拍攝到其兒子，並要求刪除照片，隨後更做出一個舉動，令樓主質疑他侵犯私隱。

該名網民日前向Facebook群組「生仔要考牌系列」投稿，指日前到一間飲品店購買珍珠奶茶，並在等待期間看到一名女子打算為手上的飲品拍照「打卡」，但前方的招牌剛好被一車輛BB車嶵遮擋。樓主指，女子隨後拿著飲品並向著招牌拍照，一名男士見狀後突然衝上前，並大聲指責「喂！你做咩影我個仔呀！？」樓主指，男子除了呼喝對方以外，更要求女子刪除相關相片，而女方亦即刻將相片刪除。

相關新聞：

Juicy叮｜只搭兩站仍要求滿手物品打工仔讓座 港媽：小朋友搭車無位會跌親：https://bit.ly/3jHqKYE
Juicy叮｜港媽遊樂場換尿片致遍地「黃金」 母子無辜誤中冀將心比心：https://bit.ly/3vz0ano
Juicy叮｜質疑商場男童剪影畫引誤會 家長籲投訴被批心邪：https://bit.ly/3WUbDJK

樓主指，「我個角度係睇到佢張相係影到少少架BB車嘅車側，但其實張相係好矇，可以話係睇唔到架車咩樣，莫講話睇唔睇到個細路樣貌」，並指看到該名女子已即時刪除相關照片。沒料到，男子卻要求女子打開手機內的相簿，讓他檢查是否已刪除相片，女方雖然看似被嚇到但仍然跟隨對方的指示。樓主指，「個男人仲要攞住部手機錄影個女人個相簿，叫女士撳上啲位置睇佢係咪刪除晒啲相」，又指女方並非故意拍攝BB車，「洗唔洗錄影埋人哋個相簿呀？」樓主亦質疑男子的行為是侵犯對方的私隱，並勸喻各位家長輕鬆一點。

不少網民亦批評涉事男子的行為，並指「畀我係個女人會大叫救命，玩大佢」、「你唔擋住個招牌阻住人哋打卡，咪唔會影到你個小朋友囉。洗唔洗咁大反應啊，同埋周街都係人，唔小心影到好出奇咩？唔知個老豆有無同個小朋友出街影燈飾同去迪士尼，建議佢唔好再去啦，唔係叫啲人刪相叫到佢口水都乾啊」、「個老豆洗唔洗咁緊張，影到又點呢？又唔係專登偷影，我去旅行好中意街拍，但係香港唔敢，因為一舉起部機就驚畀人打」、「但係佢都冇權要求睇人哋相薄仲要影住個機畀佢，侵犯咗小姐人權喎」、「恰女人，惡你就啱㗎啦？不知所謂，憑乜嘢影人哋部電話」等。有人則笑言，「個男人應該係喺外面同2奶行緊街，驚大婆捉到佢嘅把抦，所以一定要個女人刪相（識得有個人同老婆離緊婚，佢真係咁做）」、「包到木乃伊咁先出街咪得囉」、「個男人好誇張，定係個仔係同二奶生嘅唔見得光？」等。另有人批評樓主當時未有出手相助，並指「打咁X多字，咁你當時做緊乜呀」、「問：事主見到，冇出聲制止人哋父親？」等。

帖文來源：「生仔要考牌系列」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ