Juicy叮｜阿妹一原因逾10年唔洗牙致口臭 阿哥著急：「點先可以迫佢洗」

要保持口腔健康，便需要定時洗牙。有港男在網上發文指，近日發現其妹妹有不少蛀牙，牙齒亦有不少污漬，但她因為一個原因而拒絕前往洗牙。樓主指，她已有逾10年未有洗牙導致口臭，因此甚為著急，並發文詢問其他網民「究竟我點先可以迫到佢洗？」

該名港男在連登討論區以「呀妹差唔多十幾年冇洗牙，個口超臭」為題發文，提到妹妹以往一直亦有口臭問題，原本以為是因為腸胃較差及脷苔問題等，因此他與妹妹一同「食清淡啲，飲好多水」，以及每日做運動，更購買了脷苔刷給她使用，並帶她看中醫。不過，相關方法的效用不大，樓主亦直言，「搞到我都半放棄狀態」。

請點擊組圖瀏覽：

港男指，妹妹已有逾10年未有洗牙。iStock圖片

港男指，妹妹因多年未有洗牙而導致口臭。iStock圖片

有人認為，「咁大個人佢自己都唔care，你洗乜同佢擔心」。網頁截圖

有人建議「你話一齊去洗囉，咁唔係點啫」。網頁截圖

有人分享類似情況。網頁截圖

有人則指，「你同佢講其實好多好嘅洗牙都唔會痛，仲好似按摩咁添」。網頁截圖

直至妹妹在日前詢問他人類有多少牙齒，他隨即回答「你數下咪知」。樓主在查看妹妹的牙齒時，竟發現她有有不少蛀牙，牙齒上亦有不少黑色污漬，隨即叫對方前往洗牙。沒料到，妹妹在聞言後隨即發脾氣，更以「洗牙好痛」為由拒絕前往洗牙。樓主指，妹妹已多年未有洗牙，「對上一次已經小學迫你去洗個啲」，並直言擔心她的情況，「好想佢快啲洗牙」。他指，正常人亦應一年洗牙1至2次，「除咗畀醫生睇牙齒健康，自己刷牙有啲位都刷唔到啦」，並詢問其他網民「究竟我點先可以迫到佢洗？」他又補充指，妹妹有男朋友，但指「都講佢唔掂」。

帖文隨即引起網民熱議，有人指「咁佢戴口罩唔會臭死自己？」、「依家唔肯洗，到將來冇晒牙後更痛。不過佢唔肯醫，冇得救啦」、「咁大個人佢自己都唔care，你洗乜同佢擔心」、「會唔會係其他遠因令佢自暴自棄?佢係咪冇社交，從而令佢放棄自己儀容?」、「成年人無㗎喎，條路自己揀」、「冇得救，你越講佢越反感，要佢覺醒先有用，但通常佢覺醒個下啲牙就冇得救」、「講咗做咗=你盡咗力，無悔，否則第時你會怪自己，點解當初唔努力啲勸佢提佢」等。有人則建議，「你話一齊去洗囉，咁唔係點啫」、「洗牙刷牙+用牙線先有得救，話佢30歲就會甩晒啲牙嚇佢囉」、「你同佢講其實好多好嘅洗牙都唔會痛，仲好似按摩咁添」等。有人則分享類似情況，並指「我家姐都係咁上下，勸唔掂，寧願啲牙甩都唔整」。

帖文來源：連登討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ