Juicy叮｜港女求醫後只要止痛藥被拒 網民熱議背後原因

根據指示服用藥物是常識吧？有診所助護則分享指，一名女子日前在求診後竟要求只要止痛藥，更提出將其他藥物全部改為止痛藥，結果她被醫生拒絕，無奈領取全部藥物，直言「唔食都可以放返出去囉」。

請點擊組圖瀏覽：

樓主指，一名女子到診所求醫。iStock圖片

女子提出只需要止痛藥，又要求將全部改為止痛藥。示意網圖

有人笑言「仲以為佢話淨係要『病假紙』唔要藥」。FB截圖

有人笑言「佢應該醫下個腦」。FB截圖

部分人則猜測女子只要止痛藥的意圖。FB截圖

有人猜測「明顯想換止痛藥去賣」。FB截圖

該名診所助護透過Facebook專頁「診所低能奇觀」發文，指日前有一名女子到診所求醫。她在取藥時提出只需要止痛藥，而不需要其他藥物。樓主聞言後回答，「唔要其他嘅話診金藥費都一樣㗎喎」，對方則回答「將嗰啲換晒做呢隻（止痛）ok」。樓主隨後再表示，「冇得咁樣換，如果你要多啲呢隻止痛藥嘅就會係配多幾日藥，每配多一日藥收20蚊嘅」，對方卻感到不解，並反問「嗰啲我唔要㗎喎，我唔要嗰啲去換做一隻唔得咩？」

樓主則重申，「唔可以咁樣呀」 ，對方再反問「「咁你咪呃咗我成批藥？」 樓主指，「如果你繼續要埋呢啲藥我哋都冇所謂㗎，可以照出畀你㗎。但係你淨係要一款藥要好多日嘅份量就要另外收費」 ，並再次詢問對方「你想照出藥俾你定你想配多幾日止痛藥？」 女子聞言後未有回答，「嬲爆爆咁樣企咗喺度」，隨後經過樓主再三追問後，女子最終決定領取全部藥物，但回答「唔食都可以放返出去囉我」 。

相關新聞：

Juicy叮｜港媽放任小孩診所內大聲高唱兒歌 男子用一招成功擊退：https://bit.ly/3WKizcM
Juicy叮｜小五女兒「見紅」遭港媽帶診所檢查：肯定做埋唔三唔四嘅嘢：https://bit.ly/3ZbTHfJ
Juicy叮｜市民帶榴槤入診所 病人難頂臭味即場嘔向對方身上：https://bit.ly/3ZbWvcw

相關帖文隨即引起熱議，有人笑言「仲以為佢話淨係要『病假紙』唔要藥」、「佢應該醫下個腦」、「唔要藥換多幾日病假得唔得先」、「佢以為診所又同藥房差不多，所以佢係來買藥？」等。另有部分人則猜測女子只要止痛藥的意圖，並指「佢唔係諗住當必理痛咁拎啲藥出去炒呀？」、「呢啲擺明係睇醫生攞必理痛賣出去」、「佢擺明係來買攞止痛藥去賣啦，出面斷貨」、「放返出去？小心犯法喎」、「西醫畀嘅呢款止痛藥同炒到好貴果隻唔同㗎，無『傷風感冒』3四個字㗎」、「明顯想換止痛藥去賣」等。

另外，有人則詢問「咁其他藥點解唔可以唔要收平啲，或者跟佢咁其他藥多啲？」其他網民則回答指「咁有需要係3日，做乜要畀多，醫生都係按需要畀藥」、「第一 : 你話乜就乜，仲使鬼醫生開藥？第二 : 開診所都係生意嚟，醫生睇完，覺得你要咩藥，就畀翻咩藥你。你要轉其他嘢加錢好正常。第三 : 呢啲擺明扮睇醫生攞藥去賣」、「你去睇醫生，係要一個療程加藥，唔係去藥房買藥」等。

帖文來源：「診所低能奇觀」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ