Juicy叮｜被老公說服擬減父母家用 港媽4字講感受惹議

家用問題經常引起討論。有港媽在網上發文指，自己已婚並有子女，目前仍會給予父母6000至7000元家用。經過丈夫提醒後，她打算減家用。相關帖文隨即引起熱議，而該名港媽的4個字回應中更引起部分網民批評。

該名港媽近日在親子王國以「你哋會比幾$家用？」為題發文，提到自己已婚並有子女，目前仍會給予父母6000至7000元家用。其丈夫則認為金額太高，並指「又唔係搵得多，畀完自己凈返好少錢」。她在聞言後亦認同丈夫的說法，並指「之後都係畀翻3-4千算」。她隨後又指，父母沒有幫助她照顧小朋友，又擔心「突然畀少咗好難交待」，並指家用的金額亦是「隨心畀」，但指「不過聽完老公講，又感覺真係畀太多，諗返轉頭其實自己都要留翻啲錢去小朋友度，畀父母家用佔得太多，我都係畀少啲會好啲」。

請點擊組圖瀏覽：

港媽指，目前仍會給予父母6000至7000元家用。示意網圖

她指，經過丈夫提醒後，打算減家用。《愛回家之開心速遞》劇照

有網民支持樓主減家用。網頁截圖

有人認為「畀開好難減喎」。網頁截圖

有人認為樓主因為丈夫的說話而減家用不合理。網頁截圖

有人批評樓主的「肉赤」及「唔抵」用詞。網頁截圖

她又指，自己每個月的收入亦有不同，「例如出1萬，我都照畀7千，因為畀開，真係唔忍心減家用，可能因為我太錫阿爸阿媽就冇刻意去計較多與少，不過老公點醒咗我，點解要畀咁大份！ 仲有其他兄弟姊妹都有份畀家用，其實加埋一定夠用，我唔需要畀咁大筆錢」。她又指，聽完丈夫的說話後，「我感覺到自己一直好傻，點解唔留翻啲錢用喺啲小朋友度，只係顧住阿爸阿媽，即刻覺得有啲唔抵」。她續指，父母為人節儉，「唔捨得大洗，食嘅都要好平，我唔想佢哋咁慳，就畀多少少錢佢哋用」，又指「諗返轉頭，一直以來，真係好傻，我根本可以唔使畀咁多家用，諗起好肉赤」。

相關新聞：

Juicy叮｜與父母同住阿哥家姐唔畀家用 獨居港女：黐飲黐食就老馮唔畀錢：https://bit.ly/3GerRXw
Juicy叮｜夫妻各有正職 新婚人夫：每個月畀固定家用屬正常？：https://bit.ly/3Za25Mz
Juicy叮｜27歲港男月入2.9萬近半交家用 女友：無首期就分手：https://bit.ly/3vzESGf
 

相關帖文隨即引起熱議，有網民支持樓主減家用，並指「自己頭家重要啲」、「如果收入不是太多，自己又有頭家，係可以畀少啲的，3-4千都可以的」、「如果真係負擔太重，減啲都可以呀，你都話父母慳慣」等。另有人則認為樓主因為丈夫的說話而減家用不合理，並指「畀得起6-7千家用，證明你搵到又非常孝順，點解為咗一句說話就減呢？唔合理」、「錢係自己搵，我唔會因為老公講一句就cut媽咪家用，我做女咁多年，家用只會加冇少」等。有網民則指，「畀開好難減喎」、「家用這種事情問心，問別人沒意義」等。

另外，部分人則批評樓主的「肉赤」及「唔抵」用詞，並指「畀幾多自己決定啦，我相信你父母唔會亂用你嚿錢，亦唔會介意你畀少果幾千（佢定咗你要比幾多？）。但你嗰句畀多咗～覺得唔抵同肉赤有少少難聽，父母養到你成年，供書教學，心機十血汗都唔只呢個數啦！你都係父母，你仔女畀多咗家用背後咁諗，你有咩感覺？」、「如樓主覺得畀6-7千家用有壓力，可以同父母商量畀少啲，但樓主多次說覺得唔抵和肉赤，作為父母的我，聽咗有啲梗耳，如果我個女咁諗，我會好傷心」、「尤其呢句 ~ 覺得唔抵同肉赤 ~ 睇到呢句都覺得唔太舒服」等。

帖文來源：親子王國

 

《星島頭條》APP經已推出最新版本，請立即更新，瀏覽更精彩內容：https://bit.ly/3yL