Juicy叮｜港女見家長後驚覺缺生活常識 惟男友一行為令網民力勸分手

懂得使用開瓶器及下廚是否屬於必要的生活常識？有港女在網上發文指，日前到男友家「見家長」，但自己不懂得下廚或使用開瓶器，令她驚覺自己欠缺生活常識。不過，男友的一個行為卻令不少網民勸喻樓主分手。 

該名港女日前在Dcard討論區以「冇乜日常生活常識」為題發文，提到日前到男友的家中「見家長」，亦購買水果到場當見面禮，但由於自己不懂得下廚而無法協助煮飯，「有幫手切嘢，但係好似畀佢哋嫌我切得唔好，所以叫我出返去」。她續指，男友母親在得知她不懂得下廚後，隨即笑著表示「咁呢個女仔唔得喎」。其後，男友家人打算開樽裝啤酒，「因為我好少飲支裝要開蓋嘅飲品，所以唔係好識用開瓶器，用錯咗方向」。樓主男友見狀後隨即大聲表示，「你用錯方向喎，常識嚟㗎喎」，而男友母親則指「你喺屋企係咪唔洗做嘢？呢啲我肯定小學常識書都有教啦，共桿原理啊嘛」，而男友聞言後則回答「你當佢幼稚園畢業啦」。

請點擊組圖瀏覽：

樓主指，自己不太懂得使用開瓶器。示意網圖

她又指，自己不懂得下廚。示意網圖

不少人勸喻樓主與男友分手。網頁截圖

另有人則批評男友家人的行為。網頁截圖

有人則指出，「識基本菜式，當自己一個人生活煮三餐唔會食厭就夠」。網頁截圖

樓主則指，「然後成餐飯我都唔知點出聲好」，並解釋指自己在小時候獲工人照顧，而父母則在她就讀中學時離婚，隨後她則跟隨父親生活。她指，「通常我哋都係翻熱嘢食，就算我自己一個食，因為我都唔鍾意煮嘢食，平時食麵包就ok」，並直言「成20幾歲人今次畀人講完之後好自卑，原來自己真係冇乜生活常識」，並指「但係我個人認為女仔唔一定要食煮嘢食，我自己對食冇乜要求，所以冇興趣要學煮嘢食，係咪真係時候要去學？」

相關新聞：

Juicy叮｜以為男友已移民加拿大 港女因一張相起疑心：https://bit.ly/3vOOhcT
Juicy叮｜港男呻父母患癌惟女友按計劃旅行 反被批自我中心：https://bit.ly/3CDNeR4
Juicy叮｜呻女友出街慣性遲到紀念日僅寫卡 港男：我每次「都staycation+禮物」：https://bit.ly/3ipjqk3
 

相關帖文隨即引起網民討論，不少人勸喻樓主與男友分手，並指「唔尊重你嘅分得」、「分咗手先慢慢學」、「其實佢哋係咪夾埋嚟玩你？你男朋友唔幫你已經可以分，一定冇未來。唔識咪唔識，肯學咪得，佢哋連呢個概念都冇」、「佢哋當眾落你面真係衰格咗少少，你男朋友仲話埋你一份就更過分，身為男朋友應該第一時間幫你講嘢」等。

另有人則批評男友家人的行為，並直言「坦白講，呢家人全家都好rude」、「過門都係客，要你幫手做嘢已經不了，仲要咁嘅反應完全係無禮貌無家教」、「佢阿媽都幾X街，自以為高人一等咁，一啲尊重都冇」等。樓主在回應留言時則指，「因為我嗰晚會係度瞓，所以我覺得唔幫手就好似白住一晚」，並指打算與男友分手。

另有人則指出，「你一個人食就食麵包，唔通三餐都食麵包咩。我覺得識基本菜式，當自己一個人生活煮三餐唔會食厭就夠，唔一定要煮嘢好叻」、「成日見人要求女仔識煮飯，唔見要求男仔識煮飯，係想搵個保姆定係女朋友」、「學識基本嘢就好，但唔係為佢而學，係為你自己」等。

帖文來源：Dcard討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ