Juicy叮｜中年失業男每日扮返工 寄履歷無回音「仲以為電話壞咗」

疫情導致本港經濟大受影響。有中年港男在網上發文指，沒想到自己會在46歲失業，因此不敢告知太太，只能每日「扮返工」，又指所申請的工作均沒有回音，「仲以為部電話壞咗」。

該名港男日前向Facebook專頁「辦公室日報」分享自己的經歷，提到沒想到自己會在46歲失業，已到求職網站尋求自己本身的工種，但指「幾乎全部招聘廣告都send咗CV過去，真係一個回音都冇，唔好話去interview，連電話都冇人打嚟，如果唔係間中有嗰啲推銷來電，我仲以為部電話壞咗。」

請點擊組圖瀏覽：

港男指，不敢將失業一事告知太太，只能每日「扮返工」。示意網圖

他指，「一諗起再搵唔到工就坐食山崩，即刻乜嘢錢都唔捨得洗。」iStock圖片

有人建議「做住步兵先囉」。FB截圖

不少人勸喻樓主向太太坦白。FB截圖

有人建議他先找散工。FB截圖

港男又指，不敢將失業一事告知太太，「之前扮清大假留喺屋企3個星期，依家再扮唔到清假就扮返工，每日行到夠鐘先敢返歸」。他又指，自己現時的思想甚為矛盾，「想多啲公眾假期，咁我喺office hour就唔需要出街扮做嘢，但係太多公眾假期又驚影響搵工，怕人哋唔出廣告請人，怕人哋未有時間約見工」。他又提到，隨著農曆新年將至，自己既要準備派利是，又希望購買新衣服予子女，雖然自己仍有積蓄，「不過一諗起再搵唔到工就坐食山崩，即刻乜嘢錢都唔捨得洗。」

相關新聞：

Juicy叮｜中年女執公司棄置鞋樣本被撞破 暖心老闆一句話化解尷尬：https://bit.ly/3ZnLOnm
Juicy叮｜部門經理辭職後自願減薪冀回巢 更向前老闆提一自私要求：https://bit.ly/3CuHyZq
Juicy叮｜返工期間炒車需送院 上司一句話令打工仔嬲爆：https://bit.ly/3WWKHcM
 

相關帖文隨即引起網民熱議，不少人勸喻樓主向太太坦白，並指「點解失業不和太太商量？她發現後可能罵你情願在街周圍行都不在家幫手家務看願小孩。雖然你之前主力賺錢養家，但作為一個家庭，你們是一team人應該齊心度過難關」、「坦白講出嚟，家人一定明白」、「同家人坦白會少啲壓力，或者佢哋有唔同諗法同見解。一個結束就係另一個開始嘅新機會，人生無常」等。

另有人則建議「做住步兵先囉，送餐又好，送貨又好，返正都係等運到，一日執返一百幾十幫補下皮費都好呀」、「同老婆坦白交代，未有工嘅一係返步兵/其他PT先，未至於零收入嘛，始終有家庭負擔」、「搵住年尾散工先，唔好灰」、「而臨近新年，可能做住part time 先。馬死落地行，乜都做住先，至少有收入」等。

帖文來源：「辦公室日報」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ