星8卦｜「巴辣」用錢縱壞女兒變港孩 老竇地位低冇Say寧願做鵪鶉

有謂養不教父之過，教不嚴師之惰。香港愈來愈多港孩，都是因為父母唔教，一味寵，結果做咗廢人。

「巴辣」因為情傷減咗廿幾磅，變番靚女後就遇到「才子」生滋貓入眼，三扒兩撥就住埋，仲生咗個女「寶珠」。「才子」天生不覊，「巴辣」係個女12歲至敢同「才子」講拉埋天窗，其實男方咁多年都駛咗巴辣成層樓，做親投資都輸晒，既然係咁，感恩圖報先決定俾咗個名份「巴辣」，不過，「才子」一直不滿老婆的教女方式，自細去旅行就算唔坐頭等都要商務，食嘅都係攞獎餐廳。
 
屋企啲工人成日為咗煮啲乜嘢俾小姐食而捱鬧，未到約滿就換人，成為勞工處黑名單。有名你叫，阿女被兩公婆如珠如寶咁養，「巴辣」乜都係個女大晒，連買衫從來都係國際品牌童裝，依家少女味濃，都係着啲老積品牌，揀落三幾萬衫叫「巴辣」落去找數。事實上，教小朋友唔可以一味遷就，「寶珠」從來係長輩眼中無禮貌，呢樣同佢阿媽差唔多，永遠唔會主動叫人打招呼，最慘係「公主」心態覺得自己好靚，為咗追一個心儀男同學係班房搞搞震，老師要見家長，「巴辣」嚟到仲要一輪咀數臭間學校唔開明太古板，之後幫阿女轉埋校，放任程度，令「才子」都終於出聲，話咁樣個女會變廢人。
 
奈何咁多年「才子」家庭地位唔高，由小學開始想教「寶珠」正確價值觀都入唔到位，「巴辣」即刻出嚟用歪理叫個女唔駛聽，「才子」無癮亦無奈，依家都唔肯同兩母女出街，費事失禮。

【相關文章】：

星8卦｜「潮女」慳家換「長輩級」形象指導 為細路唔介意成身土味

星8卦｜「小天后」又懶又煩要買麻雀枱喺後台開大餐 被封樂壇「癱己」犯眾憎

星8卦｜太太羅美薇神隱廿年 揭張學友狂推job之謎

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ