保錡拍《狩獵王》拍到又痾又嘔余德丞受同志歡迎強調唔會轉性向

2023-02-17 16:20

吳保錡、余德丞（Dickson）、王雍泰等出席ViuTV新節目《究食狩獵王》及《粉紅麻甩101》記者會，主持《究》的保錡表示節目令他減肥成功，因學識進食次序及營養，今次勁食也不肥，但也難逃食到嘔，他表示：「食到嘔，又腸胃炎，因為宵夜食了五香肉丁公仔麵，結果痾到黐線，因為當時正準備ERROR騷戒油，給果太油膩便受不了！」保錡又指因一日食足9餐而嘔：「係堅食晒，唔係拍劇食一啖擺低，份量又唔少所以嘔，當時真係食太多，即使得6個鐘瞓覺，都抽1個鐘做運動。」

保錡及余德丞出席ViuTV新節目《究食狩獵王》及《粉紅麻甩101》記者會。

王雍泰

保錡主持《究》令他減肥成功。

保錡又指試過一日食足9餐而食到嘔。

之前保錡有啲肉。

同時忙拍戲及綜藝，保錡表示好享受，也很追求做音樂，現在找老師學唱歌改善印象，更不想拍拖只為工作做準備：「最近我睇了韓國體能節目，真係好癲，我有同金生講不如拍ViuTV運動會，不過他聽完便走了！（有信心？）相信陳安立會拎晒啲冠軍，我會拎亞軍、季軍。（揮贏MIRROR？）他們工作多，我工作少呀，多時間準備！」

近期超受歡迎的韓國競技真人騷節目《體能之巔：百人大挑戰》。

而Dickson主持《粉》做了好多犧牲及挑戰，包括Gel甲、著高跟鞋跳舞及食奇怪內臟，透過節目了解身邊男同志朋友的執著，問會否中途轉基？他堅定地表示不會。Dickson也直言受該圈子歡迎，被熱情的主持拍檔抽水是小事，只要沒有被錫就可以，坦言界線守得好緊，他更指社交平台會收到不少非常私人的相片，問主持節目可有壓力？他笑言放低了包袱，拍攝過程是開心好玩。