初選案│梁晃維：難保證所有人不會背叛口頭承諾 故起草《墨落無悔》聲明

民主派47人涉嫌參與「35+」初選，爭取立法會過半否決財案被控，16人否認串謀顛覆國家政權罪受審。控方今午於西九龍裁判法院播放港島選舉論壇片段，梁晃維解釋因為協調會議內容只得戴耀廷及與會者得悉，無法保證所有人都不會背叛口頭承諾，故起草《墨落無悔》聲明，指「如果大家都係承諾咗或者都認同呢啲理念嘅話，其實點解唔能夠喺一個公開、向住全香港市民做一個公開嘅承諾呢？」

許智峯坦言「喺關鍵嘅議案我哋係從來都冇缺席過㗎，包括施政報告同埋所有嘅財政預算案，過去四年我哋（民主黨）都係投反對」。梁晃維有份起草《墨落無悔 堅定抗爭——抗爭派立場聲明》，解釋因為協調會議內容只得戴耀廷及與會者得悉，無法保證不會有人背叛口頭承諾，指「如果大家都係承諾咗或者都認同呢啲理念嘅話，其實點解唔能夠喺一個公開、向住全香港市民做一個公開嘅承諾呢？」又指「我哋視中國為我哋嘅敵人，我哋知道中國會一定用盡佢所有嘅方法繼續壓迫我哋香港人，我哋一定唔會退讓」。

相關新聞：

初選案│庭上播選舉論壇片段 多人明言要否決《財政預算案》攬炒

區諾軒（右）與戴耀廷舉行民主派35+公民投票記者招待會。資料圖片

許智峯。 資料圖片

被告彭卓棋。 資料圖片

被告鄭達鴻。 資料圖片

被告楊雪盈。 資料圖片

彭卓棋在論壇初便聲言「我哋嘅敵人就係共產黨，我哋入到議會不惜以肢體抗爭、癱瘓政府、否決財政預算案，亦會用議員身位支援街頭抗爭」，激動指「共產黨要我跪，我哋係唔會跪，我哋會全力抗爭，對抗共產黨」。

鄭達鴻則認為「今次攞到35+，我哋就可以由制度根本改革，呢個先係光復法治嘅最好嘅方法，咁所以希望大家支持我哋35+入到議會」，又指「因為真正去到「35+，我哋達成議會過半呢，其實喺我哋今次嘅選舉呢，民主派先可以用個選票去迫使行政長官呢係即係佢要落實五大訴求，我哋用否決財政預算案，我哋喺三月二十六號......呢講得好清楚......係會否決財政預算案......迫使行政長官」。

楊雪盈回顧過往經驗，稱「我哋唔怕民政處嘅打壓，所以我相信無論我喺邊一個崗位，最緊要嘅就係要幫到香港人，要幫到呢一場運動，我相信我哋只要將我哋唔同嘅力量，就住唔同嘅人嘅崗位連結埋一齊，我哋一定可以發光，一定可以照亮更加多嘅地方」。

法庭記者：陳子豪

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ