「你知唔知我幾辛苦？」初小生壓力爆煲 港鐵狂呻5分鐘「辛苦論」掀熱議｜Juicy叮

網絡熱傳影片，有小二女生疑壓力爆煲，在港鐵向母親狂發牢騷，長達5分鐘的「辛苦論」字字珠璣引來網民熱議，有網民認為事件令人聯想到早年「巴士阿叔」「有壓力未解決」的經典言論。

影片全長約5分鐘，拍攝者將鏡頭朝下拍攝，主要錄取該小二女生的聲音，其後隨女生步出車廂拍攝到該女生腳部，影片於上周四（2日）上載，未知具體拍攝時間。

「你哋啲大人都係咁，無得改嘅！」小二女生「辛苦論」足本字幕版↓↓↓↓

我依家已經唔舒服，仲要日日係到返學，我好辛苦。

晨早留留咁早起身，

我想瞓係個被到，仲要咁早起身。

你仲要唔畀我睇手機，我真係好辛苦㗎。

我真係好辛苦，你知唔知呀，

你成日都唔畀空間我㗎，你依家又阻我時間啦。

你知唔知我幾辛苦呀。

你知唔知我幾辛苦，幾忙呀。

我好辛苦先升可以到二年級，我唔係可以好似你咁樣㗎。

你依家又乜嘢都唔畀我睇囉，你依家好唔鍾意我，你可以叫我即刻走囉，

（小二生母親這時回覆：過兩日你囉）

我唔想再過兩日，我想即刻走呀，我唔想係到等呀，我等咗幾年，我好辛苦㗎，

我想走好耐㗎啦，你唔好淨係咁樣，你阻咗我幾多時間呀，

你拖阻我好耐啦，你拖阻我幾耐？

你拖咗我好耐啦，你唔好再咁樣對我，得唔得啫。

我做咗好多嘢幫你。

（小二生母親回覆：你做咗乜嘢幫我？）

你唔好問！你知唔知你浪費咗我好多時間，你依家仲想唔想要我啫。

你唔想要我，叫我即刻走囉，好唔好。

你咁樣我好難講理，好難頂呀，你知唔知呀。

你成日都唔明我哋嘅，你成日剩咁樣，你每日都係咁樣，你次次都係咁樣。

每人鍾意我呀，依家，我一世都係咁，我好慘㗎。

（小二生母親回覆：邊個唔鍾意你呀？）

老......老......同學唔鍾意我呀。

（小二生母親回覆：點解同學唔鍾意你嘅？）

佢唔鍾意我，佢唔鍾意我，我依家好唔開心，好難頂，好辛苦㗎，

你成日都係叫我等時間，我已經好唔開心，好難頂㗎，

我好傷心，唔想去呀，大個都唔好㗎嘛，你咁樣對我真係好慘㗎，

我無同學鍾意呀，成日都係咁樣，

我依家無人同我玩呀，我依家好慘呀，我連同學都無一個呀，

（小二生母親回覆：有無叫X同你一齊玩？）

好少，我唔想同佢玩？

我好辛苦，你知唔知我幾辛苦。

你仲係唔明，就要咁樣嚇我呀，

你成日都係咁，你哋啲大人都係咁，無得改嘅。

（小二生母親回覆：點解無人同你玩嘅？）

我都唔知呀，我唔鍾意同同學玩呀，

我依家好辛苦，我都唔知可以忍得幾耐呀。

我忍咗好耐啦，我都無話過所有人，我好辛苦㗎，你知唔知呀，

依家你阻咗我啲時間，我已經夠肥啦，

唔好繼續玩我得唔得，我依家好難頂，

已經好難頂，頂唔順，生存係呢個世界上，

你唔好成日咁樣得唔得啫，我好辛苦，我頭痛呀。

（影片拍到兩人離開車廂後結束）

網民熱議事件：「心酸。」「聽得出個妹妹真係好大壓力。」「現在小朋友好唔容易生活！」「肯講出嚟係好事。」「似乎媽咪並不重視小朋友的哭訴。」「希望香港未來主人翁可以睇得開。」「成日話香港教育制度，父母本身都不斷壓迫子女，一日學呢樣學個樣，又補習！！！......唔該家長唔好成日迫子女，只求分數、入名校......唔好一歲未夠就要佢哋做填鴨啦！！唔好賴教育制度！！！......」

來源：香港新聞突發時事合集

同場加映：「巴士阿叔」字幕版足本重溫：「你有壓力！我有壓力！」

「你有壓力！我有壓力！」「未解決！」本港最經典的壓力論莫過於「巴士阿叔」事件，影片全長同為約5分鐘。

事發在2006年4月27日晚上，一名中年男子在往元朗的巴士68X途中，因談電話向社工傾訴時被身後的青年拍膊頭，情緒激動怒罵對方，整個過程被另一名少年用手機拍下，在網上瘋傳，影片至今留下多句港人耳熟能詳的金句，如「你有壓力，我有壓力」「未解決」。

足本影片可分三部分：

（一）衝突源起：「你仲乜拍我膊頭？」（足本字幕版）↓↓↓↓

「你有壓力！我有壓力！」「未解決！」本港最經典的壓力論莫過於「巴士阿叔」事件。