專欄｜紐卡素把握力差難殺破「狼」

紐卡素近3仗賽事全敗，兼且一球都入唔到，艾爾之前講過，球隊嘅致命傷係把握力，加上戰術上又被對手洞悉，就經常攻極唔入，踢得老鼠拉龜。經過整個星期嘅休息後，喜鵲主場迎戰狼隊，艾爾覺得係另一場硬仗。

狼隊大前季由紐奴執教，幾着重防守反擊。上任領隊拿治上馬後，諗住改變呢種打法，只可惜失敗而退。今季季中，球隊請咗教過西維爾仲捧過歐霸盃嘅路柏泰基，轉用超防反打法，領先一球就縮到「九零一」，好聽啲叫實際，難聽啲真係好鬼悶。

狼隊近4仗聯賽作客輸過畀曼城同利物浦，但試過打少個都贏到修咸頓，亦和過富咸，表現未至於極差。今仗對住破密集麻麻嘅紐卡素，狼隊好大機會靠反擊同死球入波。格食格之下，先推讓球「+0.5/1」客勝，如果即場見到紐卡素撳住打，走地再諗角球大。

另外，早場有7場日職，其中FC東京主場表現好好多，今季增兵做得幾好，特別留意前橫濱水手MVP仲川輝人嘅表現。今仗對住入得又失得嘅FC橫濱，推介入球大細2.5大。至於點解艾爾會留意日職賽事，留待下回分解。艾爾

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ