专栏｜纽卡素把握力差难杀破「狼」

纽卡素近3仗赛事全败，兼且一球都入唔到，艾尔之前讲过，球队嘅致命伤系把握力，加上战术上又被对手洞悉，就经常攻极唔入，踢得老鼠拉龟。经过整个星期嘅休息后，喜鹊主场迎战狼队，艾尔觉得系另一场硬仗。

狼队大前季由纽奴执教，几着重防守反击。上任领队拿治上马后，谂住改变呢种打法，只可惜失败而退。今季季中，球队请咗教过西维尔仲捧过欧霸杯嘅路柏泰基，转用超防反打法，领先一球就缩到「九零一」，好听啲叫实际，难听啲真系好鬼闷。

狼队近4仗联赛作客输过畀曼城同利物浦，但试过打少个都赢到修咸顿，亦和过富咸，表现未至于极差。今仗对住破密集麻麻嘅纽卡素，狼队好大机会靠反击同死球入波。格食格之下，先推让球「+0.5/1」客胜，如果即场见到纽卡素揿住打，走地再谂角球大。

另外，早场有7场日职，其中FC东京主场表现好好多，今季增兵做得几好，特别留意前横滨水手MVP仲川辉人嘅表现。今仗对住入得又失得嘅FC横滨，推介入球大细2.5大。至于点解艾尔会留意日职赛事，留待下回分解。艾尔

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ