炎明熹18歲生日會遭鬧爆「食人唔𦧲骨」400幾蚊得3粒熱盤 粉絲群起反擊貼相還原真相
2023-04-09 16:30 
炎明熹今日（9日）踏入18歲！炎明熹歌迷為慶祝偶像踏入成年，大搞應援活動慶祝，除了巴士燈箱廣告，更有快餐店優惠、免費搭巴士等活動，實行普天同慶。日前500粉絲為炎明熹在西頁WM酒店大搞生日會，還有茶點供應，又有得食又有得見偶像，相當抵玩。今日凌晨有網民在fb群組「香港茶餐廳及美食關注組」貼文留言指付費400多元但只得三粒熱盤，鬧爆炎明熹粉絲後援會掠水，不過最後劇情卻來個大反轉。
【點擊睇炎明熹生日會真相】：
聲稱自己是陪朋友去炎明熹生日會的網民留言說：「夠膽死，去西貢W酒店（應為WM酒店），畀四百幾、五百蚊，食嗰三樣熱盤，每樣只限一粒！呢條XXX，真係食人唔𦧲骨！真係佛都扯火！自己賺咗幾億㗎啦，嗰啲fans成千幾人，每個平均收450蚊，都執75萬啦，食埋啲咁嘅垃圾，正常一個小朋友食三粒嘢，點夠飽啊？做返個人好冇？抵你生日冇XX㗎喇！所以我決心要將呢條廢柴嗰日貪婪公諸於世！大家來評評理。」結果真的引來一班網民評理，為炎明熹大平反！
樓主同時貼出餐單及食物照片，見到有2款冷盤（蟹肉撻、帶子他他）、3款熱盤（松露小飯球、海蝦酥、迷你牛肉漢堡），以及迷你鮮果撻當甜點，以茶點來說，菜色尚算不錯。即使有網民並非炎明熹粉絲亦留言力撐今次的生日會：「Fans志在見偶像，你估真係諗住去食嘢啊？$450算係咩錢？」、「第一日食圍餐？不嬲都每人一舊，400幾平過畀人情，冇錢唔好去，你估食放題？」更有MIRROR的鏡粉力撐炎明熹生日會收費合理：「我係鏡粉，行過見到其實收費都好合理呀！有得見你自己嘅偶像，又有得聽歌，算係咁啦。」
樓主聲稱自己並非炎明熹粉絲：「我之所以去，我唔係佢粉絲，只係陪人去㗎咋，諗住有飲有食有歌聽，咪去囉！點知就咁瀨嘢，咁大個人都未試過做老襯。」引起炎明熹粉絲紛紛反駁：「陪咩人去姐，邀請卡呢？要fans club會員先去到喎，你唔係會員點去呀？好心咪屈人啦！」還有當日有去現場的粉絲貼出當日的美食照留言說：「Gigi Fans去又打卡，又影相，不知幾開心！」還有人力撐有森美做司儀外，更有每人一件生日Tee、禮品包，又有抽獎，能夠與偶像慶祝18歲生日，「抵到爛」。
另外還有網民翻出WM酒店會議套餐的價目表，半日會議每位收費468元，包一次茶點，與樓主所題及的收費相若，嘲諷樓主是「鄉下仔」，「食慣茶餐廳唔知價」；更有不少人直指樓主只是偷相抹黑：「偷相抹黑，做人做到你咁，咁唔見得光，都好失敗。」、「佢根本就佢cap fans club圖。」
【其他閱讀】：
高海寧貼真空性感相S字形身材大晒曲線美 一個原因遭網民留言嗌不滿
TVB小花羅毓儀學跳亞視一姐冼腦歌 遭網民嫌棄：你都係叫返Yuki順耳啲！
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應