八鄉有鱷魚｜居民不畏「鱷」特意到場湊熱鬧 男童食白果：睇唔到都唔會失望嘅

八鄉蓮花地今日（30日）驚現一條1米長的鱷魚，令一眾村民感到詫異，更有人特意前來「湊熱鬧」，一睹「鱷」容。住在鄰村的陳先生是自然愛好者，平日會紀錄自然生態環境，得悉上址有鱷魚出現，隨即趕到現場一證真偽。他指香港本土沒有鱷魚，故大部份屬飼養，對於今次有鱷魚出沒，不排除有人棄養或走失，「暫時未知係咩品種，呢度鄰近河溪，附近又有魚，所以都好快大，同埋一米長都仲算係BB，佢哋都唔係傻，如果你大隻過佢，佢仲驚過你，佢見到人可能走得快過你，有少少隙都可以走到」。被問到會否被鱷魚襲擊，他坦言不擔心，「鱷魚警惕性好高，只要你唔踩到佢，佢都唔會攻擊你」。

相關新聞：八鄉有鱷魚｜私養鱷魚成風「玩大」即棄 消息人士： 元朗圍村有唔少人養
相關新聞：八鄉蓮花地發現一米長鱷魚 村長：有人租地方偷養鱷魚及麻鷹

漁護署職員到場視察環境。

陳先生指不擔心會被鱷魚襲擊。

現場鱷魚失去蹤影。

姓郭男童得悉有鱷魚出沒，立即與朋友趕到現場了解。

警方到場調查。

同樣住在鄰村的姓郭男童得悉有鱷魚出沒，立即與朋友趕到現場了解，但無奈未能成功見到鱷魚。他表示，自己第一次聽到附近有鱷魚出沒，但並不害怕鱷魚，「睇唔到都唔會失望嘅」。


---

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ