32年前被14歲表哥非禮強姦 受害女子作證表示「一定要公義」

32年前當時10歲和7歲的兩姊妹作客14歲表哥留宿度暑，表哥涉嫌先乘姐姐倒立時掀開內褲，再叫妹妹入房強姦，用筆插入尿道轉動。表哥否認非禮、強姦及襲擊罪受審，妹妹今午於高等法院作供憶述「支筆金屬頭好尖好鋒利，好似觸電噉痛到上頭頂」，又交代姐姐攜女回港欲約見被告時，觸發自己事發28年後報案，哽咽道「唔想再有悲劇發生⋯⋯ 一定要公義先可以面對返自己呢個歷史」。

事主X以視像形式作供，憶述1990年當時自己7歲，8月偕10歲姊姊Y到姑姐家中留宿，被告C. F. L.為姑姐次子。某日黃昏兩姊妹與被告獨留在家時，被告無故帶X入房並鎖門，X「驚佢打我」，遂依被告指示躺於地上合上雙眼，其後感覺到內外褲均被脫下，X回想當時「我好驚、唔知發生咩事」。被告跪下張開X雙腿，研究其私處。X後來偷看時，看見被告除下褲「搵手兜住下體塞入我下面」、「下體不停撞入來，有擗肉不斷塞入來」，塞到去陰道口前部。X當時「好驚，唔知佢做咩」，過程亦「覺得好耐好耐」、「好夾硬」，亦肯定侵入物不是手指。

妹妹作供憶述「支筆金屬頭好尖好鋒利，好似觸電噉痛到上頭頂」，又交代姐姐攜女回港欲約見被告時，觸發自己事發28年後報案。（設計圖片）

X憶述當時欲掙扎大叫俱不果，其後姊姊Y曾敲門探聽，遭被告打發走。X續指被告折返後開始「攞支筆插入尿道喺度轉喺度轉⋯⋯佢好似想撐大啲」，X形容當時感覺到「支筆金屬頭好尖好鋒利，好似觸電噉痛到上頭頂」。後來被告曾言「死喇，黑晒」，發現X下體「黑咗」才停下手來，二人起身穿褲。X指當日事發後自己「好似呆咗嘅⋯⋯好唔開心好想快啲走，好驚講出去」，沒有告知其他人。直到當晚偕表姐洗澡時，「我見到自己下面黑晒」，尿道三角位呈瘀黑有觸痛，「心裡面凝住墨水滲咗入裡面」，表姐亦感驚慌，著姑姐來查看。X回想被告後來更曾當著姊姊Y面前向自己說「攞咗你隻豬你信唔信？」事後自己一直避免回憶此事，一旦想起便會失眠，長大後接受性教育時才明白事件。

表哥否認非禮、強姦及襲擊罪，妹妹今午於高等法院作供。

X解釋2018年Y移民誕女8個月後，打算回港相約家人聚會包括被告時，X隨即「嗰下著咗」，哽咽憶述「唔想再有悲劇發生，有冇搞錯佢當時噉樣對我哋，點解重要約佢呀，所以我要講出來⋯⋯唔想佢扮唔知」。X續指後來將事件始末告知Y、丈夫及家人等，更曾以訊息直接與被告對質，最後報警處理因為「我需要公義⋯⋯一定要公義先可以面對返自己呢個歷史⋯⋯我要佢面對呢件事」，X哽咽說道。

盤問下X承認一直非常痛恨被告，辯方透露被告已承認7項相關控罪，包括分別毆打Y及X肚部1次和3次，另外3次乘X倒立時掀開內褲窺看私處，將受法律制裁接受判刑。

法庭記者：陳子豪

---

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ