專欄｜海登咸馬格德堡「大」大殺得起

拜仁慕尼黑同多蒙特目前只差1分，德甲爭冠形勢非常激烈。德乙升班形勢同樣緊湊，榜首嘅達斯泰特暫時領先第3位嘅漢堡7分，只要嚟緊主場對聖保利勝出，就可以提早3輪宣布升班，繼2016至2017球季之後再次喺德甲出賽。不過，聖保利自從轉咗教練之後，作客成績大幅改善，隨時為達斯泰特升班帶嚟變數。

至於排第2名嘅海登咸目前領先漢堡4分，對於呢支從未升上德甲嘅球隊嚟講，最後幾場可以話場場都當決賽咁踢。海登咸大前季試過踢升班附班賽，最後未能夠擊敗雲達不萊梅，之後兩季都位居中游。

海登咸今季最大嘅改變係入球能力，聯賽30戰入61球嘅表現遠比以往幾季理想，當中只有4場聯賽無波入。前鋒基連甸斯特今季突然大爆發，28戰入23球高踞射手榜首位，係今季海登咸爭升班嘅關鍵。

今仗海登咸返到今季聯賽只係輸1場嘅主場，當然有好強加持。客隊馬格德堡作客成績雖然較飄忽，但近5場聯賽作客入9球失9球，近期入得又失得。球隊護級形勢仲未明朗，今場可能同海登咸鬥攻，賽前可先小注入球大細3.5球大，等走地再做套戥。艾爾

-----

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd

你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ