专栏｜海登咸马格德堡「大」大杀得起

拜仁慕尼黑同多蒙特目前只差1分，德甲争冠形势非常激烈。德乙升班形势同样紧凑，榜首嘅达斯泰特暂时领先第3位嘅汉堡7分，只要嚟紧主场对圣保利胜出，就可以提早3轮宣布升班，继2016至2017球季之后再次喺德甲出赛。不过，圣保利自从转咗教练之后，作客成绩大幅改善，随时为达斯泰特升班带嚟变数。

至于排第2名嘅海登咸目前领先汉堡4分，对于呢支从未升上德甲嘅球队嚟讲，最后几场可以话场场都当决赛咁踢。海登咸大前季试过踢升班附班赛，最后未能够击败云达不莱梅，之后两季都位居中游。

海登咸今季最大嘅改变系入球能力，联赛30战入61球嘅表现远比以往几季理想，当中只有4场联赛无波入。前锋基连甸斯特今季突然大爆发，28战入23球高踞射手榜首位，系今季海登咸争升班嘅关键。

今仗海登咸返到今季联赛只系输1场嘅主场，当然有好强加持。客队马格德堡作客成绩虽然较飘忽，但近5场联赛作客入9球失9球，近期入得又失得。球队护级形势仲未明朗，今场可能同海登咸斗攻，赛前可先小注入球大细3.5球大，等走地再做套戥。艾尔

-----

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd

你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ