麥美娟讚同事「冇得頂」 唔計較假日全力工作︱Kelly Online
2023-05-07 16:55 
民政及青年事務局近日活動多多，除了有關完善地區治理工作的政務事外，「開心香港」系列活動也大多與民青局息息相關。民青局局長麥美娟今日（7日）就喺社交平台大讚民青局同民政署團隊，話喺合作近一年之後，發現佢哋呢個團體真係「冇得頂」。
麥美娟解釋指，佢哋往往喺假日最多活動，而同事們都唔計較，只要有工作都全力去做，而作為政府地區工作最前線，同事們遇到緊急工作都唔會理幾夜，群策群力喺短時間內完成任務，真正係「日以繼夜、夜以繼日」。
「一張張相背後冇影到嘅係同事大量準備工作」
麥美娟又話，自己一直係做地區工作，強調團隊合作，因為一個人係冇可能做得晒所有嘢，好多工作都要整個團隊互相配合、互相支持先可以完成。佢好感恩呢一年嚟有一個「好盡責、有活力、有朝氣、有理念嘅團隊」，真係時刻保持喺地區最前線為市民服務。她舉例指，過去幾星期剩係民政方面已經做咗幾個大型工作，包括美食市集、兩支關愛隊，同埋協助推出完善地區治理工作方案，形容「喺一張張相嘅背後，冇影到嘅係各區同事事前大量嘅準備工作。」
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應