獨家丨胡慧冲唔信再有擄人事件:泰國好安全「通波仔」出院翌日即開工拍片

2023-07-06 08:00

58歲胡慧冲（Roger）月初突然入院接受「通波仔」手術，Fans好擔心，連薛家燕都慰問。手術後好精神的Roger返港出席泰國宣傳活動，他向《頭條日報》報平安，透露健康冇問題。對於近期全球反詐騙組織（GASO）公布兩宗泰國擄人事件，Roger坦言：「如果泰國係咁唔安全，香港政府都會發出旅遊警示啦。」採訪：方騫平

「泰國通」胡慧冲返港後，代表泰國出席國際旅遊展。

個多月前Roger喺中環偶遇欣宜，當時欣宜精神奕奕。

跟冬蔭妹及冬蔭哥哥在港出席活動。

疫情後胡慧冲頻頻回港做JOB。

Roger嘅「冲女」家族成員冬蔭哥哥、冬蔭妹有唔少香港粉絲。

胡慧冲自言食得、行得、拍得，手術前冇心悸、氣喘，手術後亦冇任何不適，只不過之前做身體檢查，發現三條血管中的一條有點阻塞，醫生便建議為他「通波仔」，由於全程由一位會講廣東話及泰文嘅醫生朋友陪住做翻譯，加上當地醫療ok又比香港平一半，入住兩天單人加護病房連手術費只收5萬港元，所以不用返港治療：「我仲用休息時間係咁剪片，將醫院變成咖啡室。」他又自爆手術後不能落牀，由4位俏護士貼身照顧：「佢哋好nice，發現我牀邊放咗零食，溫柔地叫我『唔使擔心可以照食！』

胡慧冲在泰國接受波仔手術。

住院期間好胃口。

朋友送上慰問花束。

家燕姐都慰問Roger，祝他早日康復。

胡慧冲接受「通波仔」手術，手術費連住院費只需5萬幾港元，仲有4位俏護士貼身照顧。

力捧貌似李嘉欣布吉妹

出院後翌日，Roger便跟布吉妹及冬蔭哥哥到芭提雅拍YouTube片《冲遊泰國8.1》，為10月推出的《冲遊泰國9》熱身：「布吉妹貌似李嘉欣，身高160cm，三圍32C、26、36算係養眼，而且聽教聽話及肯搏。」由於Roger一手力捧的冬蔭妹即將做人母，而鄺玲玲又好忙，「節目需要好多成員，囝囝都要㗎，有小鮮肉充撐場面都好。」另外，Bob亦有好介紹，Roger會同佢個泰國靚女朋友見吓面。

Roger出院後隔日經已「通山跑」，坐5小時車拜會金龍王。

布吉妹貎似李嘉欣。

布吉妹有觀眾緣。

布吉妹身高160cm，三圍32C、26、36算係養眼。

Roger便跟布吉妹到芭提雅拍YouTube片《冲遊泰國8.1》。

布吉妹係冬蔭妹接班人。

布吉妹擁有甜美笑容。

《冲遊泰國8.1》除布吉妹，仲有冬蔭哥哥。

第一代32C冬蔭妹身材好亮相。

冬蔭妹今年雙喜臨門，已變身索人妻及即將做人母。

樣貌甜美嘅「叉燒姐」鄺玲玲最受觀眾歡迎。

鄺玲玲唔係成日有時間拍到胡慧冲節目。

冬蔭家族漸漸強大。

提到近期全球反詐騙組織（GASO）公布兩宗中、台旅客於泰國被擄事件，其中女網紅指在曼谷一家知名酒吧被落藥，隔天醒來被擄到緬甸KK園區。胡慧冲直言對新聞存疑：「雖然我唔敢寫包單冇擄人事件，但呢單得啖笑，因為疑點多的是，好少人會帶7至8萬(人民幣)去泰國旅行，更加唔會坐10幾個鐘車由曼谷去清邁，反而係會有啲台灣人誤墮工作陷阱。」另外Roger又疑惑，「內地遊客成日有呢啲KK園新聞，日本、韓國遊客都有蒲吧，點解唔向佢哋入手？真係唔明？如果大家聽到會好驚，建議問吓啲居泰港人群組意見，了解實際情況，相信會有更具體答案，如果泰國真係咁唔安全，香港政府都會發出旅遊警示啦。」