奇蹟小店丨肥媽因一香港風情放棄移民吳大強晒全家福企位有心思

2023-08-09 18:05

由肥媽夥拍《中年好聲音》主持、並由有「音樂情人」之稱的鄭子誠作聲音導航的《奇蹟小店》，逢周一至周三晚上10點半翡翠台播映。在今晚播出的一集，肥媽與吳大強到訪舊式影樓，吳大強在節目分享兩張全家福。

【點擊睇肥媽走訪舊式影樓同傳統餅店】：

吳大強在節目中分享的全家福。

其中一間喺尖沙咀嘅舊式影樓星蹤處處，圖3、4分別為汪明荃及陳煒。

林師傅大談當年如何由影樓顧客搖身一變成為影樓老闆，不過過程其實都幾經波折架。

吳大強憶述當年影全家福好大陣仗。

林師傅與徒弟感情要好，二人多年來合作無間，林師傅更無私的將技能傳承給徒弟。

至於91歲經驗老到嘅陳師傅，笑言攝影最重要是「耐性」及「投入」。

日常生活記性唔係咁好嘅佢，重提昔日攝影作品背後的人和事卻十分清晰，足見對自己職業的熱愛。

以炮整美味忌廉筒馳名的蔡師傅。

對餅店及顧客都異常熱愛的吳太。

肥媽昨晚一集大談對移民看法：「啲人成日問我去唔去移民，有冇菠蘿包吖？真係香港風情嚟架嘛。」肥媽還有提及其他至愛的舊式麵包，當中包括其手中的椰絲奶油包。

曹敏寶學整餅確係笑料百出。

吳太位嘅餅店，當年一度結業時吸引不少媒體報道，包括《東張西望》。

而吳太當時邊落淚邊賣包的畫面，感動了不少人。

吳太對店舖招牌角仔好有要求，寶寶淨係喺搓皮嘅過程已經遭遇挫折。

吳太提及有患癌客人希望臨走前能一嚐其店舖的角仔時，感觸落淚。

佢話當年結業後，連貓店長都冇晒心機。

吳太同阿仔「江仔」好好感情。

蔡師傅呢個招牌忌廉筒，係體力同耐性嘅結合。

淨係搓個餅皮，都真係要出盡全力，難得佢70幾歲人依然有心有力，佩服佩服。

忌廉筒塑形一樣充滿學問。

蔡師傅嘅仔女雖然無意繼承店舖，但蔡師傅一啲都唔介意，仲話：「我哋唔強逼，我自己覺得可惜啫，佢唔會覺得可惜，佢有自己事業嘛。」十分豁達。為了令餅店得以傳承，蔡師傅將畢生功力無私傳授給徒弟，相當有心。

昨晚（8日）播出的第二集，肥媽帶領曹敏寶（寶寶）先後走訪兩間傳統餅店，順道拜師學藝，其間發現賣少見少的忌廉筒極考功夫，單是塑形已遇上困難的寶寶坦言：「每個動作都要好小心去做。」昨晚第一間餅店，以招牌角仔及雞仔餅見稱，2021年因為租金問題一度結業，吸引無綫節目《東張西望》等報道最後一日營業實況，吳太當時邊落淚邊賣餅的情景，至今仍觸動不少港人。如今餅店遇貴人捲土重來，令吳太終可再圓心願以美食回饋街坊。每早五點便要起身準備營業的吳太，笑言已習慣「早起夜收」。

談到招牌角仔，她透露當年因覺得外來貨品質不夠好，故專誠研發自家餅皮，因而成了顧客美好回憶。吳太忍淚分享了一個感人故事：「有個客打嚟話佢家姐患咗癌症，想佢家姐離開前嚟我度食佢最鍾意嘅角仔。當時未係我哋賣角仔嘅季節，我問個仔（點好），阿仔話『一定要做畀佢食』，好感恩啲顧客對我哋嘅產品咁熱愛。」至於最多試過日賣1,200個忌廉筒的元朗傳統餅店，年屆70多歲的蔡師傅開店40多年來一直堅持每個細節步驟做足，及「一定要用香港麵粉」；談到日企十小時整餅，蔡師傅亦處之泰然：「做嘢冇咩辛唔辛苦，只要我隻手郁得，我都堅持做忌廉筒畀大家食。」相當敬業。

今晚（9日）播出的第三集，肥媽與吳大強結伴前往兩間歷史悠久的舊式影樓尋訪人情味，除意外發現昔日星蹤、更見證了一段「非一般要好」的師徒情，及91老師傅陳崑泉的敬業樂業。從事攝影長達60多年的陳師傅，即使日常生活連「邊條鎖匙開邊個櫃桶都搞唔清楚」，但仍能清楚記得每張照片背後的故事，及相中人的職業及特色，令吳大強甚為驚嘆。吳大強笑言自己一直有拍攝全家福的習慣：「以前影全家福好大陣仗，又要整靚頭，又要買靚衫，好多嘢搞。」吳大強還在節目中開心share了兩張全家福，吳家家庭成員們的企位在兩張照片中亦十分一致，盡顯心思。

【其他文章】：

肥媽演唱會丨8月英國個唱突然宣布延期票價貴過呢位國際巨星引討論

肥媽36年前唱片封面原來由影帝操刀拍攝自爆未學過中文寫得好差

吳大強老婆罕除罩現身外貌超年輕一部位極相似甚有夫妻相

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字