星8卦｜「猛男」四圍滾狂戀「尤物」 「惡妻」捉姦最後出場收拾殘局

「猛男」因為「惡妻」，所以去偷食都特別小心。直到遇到「尤物」真係無辦法克制自己。咁啱兩個人一齊出去拍嘢，亦因為咁樣相處而相逢恨晚，除咗開工日日都留喺其中一個人嘅房間，完全唔見人。「惡妻」收到料，不惜千里迢迢坐足十幾個鐘頭飛機去捉姦，可惜路上有二五仔通風報信，「猛男」同「尤物」扮無事咁唔敢癡纏。

返到香港，兩個人愛得難捨難分，「惡妻」更加𥄫得「猛男」實一實，於是「尤物」搬咗去一個近山頂嘅偏僻地方，方便同「猛男」幽會。兩個人見親都困難重重，「尤物」出面請咗幾個兼職保鏢，只要有偷食機會，身邊就有4個類似保鏢嘅男人左𥄫右望，確保周圍無人至畀「猛男」入屋，除咗驚記者，更驚係「惡妻」發難令到「猛男」有排受。

點解「惡妻」咁巴閉？因為娘家好有錢，而家「猛男」嘅一切，都靠「惡妻」幫佢安排，而事實咁多年「猛男」好爭氣，搵到嘅都夠佢娘家拎出嚟嘅十倍，但男人就係咁，「惡妻」只係一個幌子，方便出去滾又唔使負責任，之前嘅「高妹」就係咁，當「猛男」玩厭，就要「惡妻」出場幫佢收拾殘局，而家「尤物」愛到要生要死，又睇下玩得幾耐，問題係「惡妻」唔化，成日玩捉姦，都唔怕攰嘅咩！

 

【相關文章】：

星8卦｜「絕色」被「富佬」利用後即棄 「專業」蒲頭力追結良緣

星8卦｜「闊太」望夫成龍 急進輸身家 靠做擦鞋仔博翻身

星8卦｜「嬌嬌」迫婚不成隨時俾「太子爺」飛 「男人婆」出現力追有着落

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ