星8卦｜「猛男」四围滚狂恋「尤物」 「恶妻」捉奸最后出场收拾残局

「猛男」因为「恶妻」，所以去偷食都特别小心。直到遇到「尤物」真系无办法克制自己。咁啱两个人一齐出去拍嘢，亦因为咁样相处而相逢恨晚，除咗开工日日都留喺其中一个人嘅房间，完全唔见人。「恶妻」收到料，不惜千里迢迢坐足十几个钟头飞机去捉奸，可惜路上有二五仔通风报信，「猛男」同「尤物」扮无事咁唔敢痴缠。

返到香港，两个人爱得难舍难分，「恶妻」更加𥄫得「猛男」实一实，于是「尤物」搬咗去一个近山顶嘅偏僻地方，方便同「猛男」幽会。两个人见亲都困难重重，「尤物」出面请咗几个兼职保镖，只要有偷食机会，身边就有4个类似保镖嘅男人左𥄫右望，确保周围无人至畀「猛男」入屋，除咗惊记者，更惊系「恶妻」发难令到「猛男」有排受。

点解「恶妻」咁巴闭？因为娘家好有钱，而家「猛男」嘅一切，都靠「恶妻」帮佢安排，而事实咁多年「猛男」好争气，搵到嘅都够佢娘家拎出嚟嘅十倍，但男人就系咁，「恶妻」只系一个幌子，方便出去滚又唔使负责任，之前嘅「高妹」就系咁，当「猛男」玩厌，就要「恶妻」出场帮佢收拾残局，而家「尤物」爱到要生要死，又睇下玩得几耐，问题系「恶妻」唔化，成日玩捉奸，都唔怕攰嘅咩！

 

【相关文章】：

星8卦｜「绝色」被「富佬」利用后即弃 「专业」蒲头力追结良缘

星8卦｜「阔太」望夫成龙 急进输身家 靠做擦鞋仔博翻身

星8卦｜「娇娇」迫婚不成随时俾「太子爷」飞 「男人婆」出现力追有着落

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ