江欣燕自揭當年婚前流產情緒崩潰 罕談初戀張衛健因一個原因分手
2023-08-12 17:00 
現年56歲的江欣燕1985參加《新秀歌唱大賽》殺入10強入行，一出道拍劇已是女主角，由唱歌變身演員兼扮嘢能手，在80年代已創出事業高峰。雖然一度因結婚退出幕前，至2007年重投TVB拍劇，亦先後憑處境劇《同事三分親》及近日播畢的《靈戲迫人》等劇集獲得認同。江欣燕接受雷霆881商業一台《星光背後》專訪，大談復出後由演主角變配角再演母親角色的心路歷程，更詳述入行後的兩段情。
【相關閱讀】：江欣燕恢復味覺狂食身形暴脹 張名雅自認腦霧忘記歌詞感壓力
【點擊睇江欣燕談戀情】：
談及初戀情人張衛健，江欣燕指張衛健是早一屆的新秀冠軍，而她同屆參賽者吳國敬是張衛健的小學同學，比賽期間張衛健來探班因而認識及對她展開追求：「我嗰陣覺得怇好幽默！入行後佢仲教我睇劇本，教我做分場。」
戀情長期受壓
江欣燕承認與張衛健這段情一直備受父親反對，「因為當時我太細個，會認定佢教壞我，會認為如果我哋無拍拖，新秀比賽結果會好啲，唱歌會發展好啲，點會呢？我根本無學過唱歌，亦從無想過做歌手。」戀情長期受壓，江欣燕指最後只是因為雙方工作繁忙，令她先提出分手：「我都想喺度解釋返！其實我同佢（張衛健）分手，同當時彼此嘅事業有無起色無關係！只係想停吓，是和平分手！」
江欣燕2001年與拍拖十年的商人吳積遜（Jackson）結婚，婚後更淡出幕前變身闊太多年。節目中，江欣燕首次披露當年決定嫁Jackson是因為奉子成婚，但結婚前夕卻經歷小產打擊；「最初是驗孕捧兩條線中咗，爹哋好開心，個個都話結婚啦，Jackson又訂到生日當天嘅場地。怎料到五月，我忙完爸爸媽媽結婚周年的主持，突然一次企高拎嘢感到雙腳乏力，再找醫生檢查之後，才發現胎兒沒有生命跡象，醫生指這情況懷孕不足三個月很常見。但我是接受不到，好失望，那還結不結婚呢？但我已約了周刊做結婚的專訪。」江欣燕指結婚表面開心，其實她本人情緒崩潰了好一陣子。
離婚非因第三者
談到2005年復出幕前先過檔亞視，到2007年重回TVB拍劇，是否意味著當時她與Jackson的婚姻已出現問題，江欣燕說：「2007年我哋關係仲好好，拍返嘢只是我受夠自己糜爛的生活，是到13年拍《女人俱樂部》才出現問題。」不過江欣燕強調離婚與第三者無關：「因為同呢個人都相處咗20年覺得悶，最大原因我中間拍返《畢打自己人》，搵返工作那種開心，感覺有返自己的世界，一個人更加開心，就不如分開。」單身10年，江欣燕謂暫未有找新對象的打算：「我結過婚嘛，係好恐怖嘅事嚟㗎，而家不知幾咁自由，哈哈！」
【其他文章】：
55歲江欣燕晒年輕舊照美如仙女 高領紅衫氣質脫俗紅唇微笑電暈網民
江欣燕汪明荃合照濾鏡太重手 75歲阿姐都變網紅臉皮膚白到冇血色
《同事三分親》演員近況！超班咪神嫁人後keep住性感 大配角已移民封隱世富豪
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應