杭州亞運｜香港隊兩大女神 都跳呢種舞減壓
2023-09-23 17:05 
杭州亞運打到嚟，星期日正式開賽。好多運動員，雖然身經百戰，但去到大賽時刻，唔緊張就假，所以平時更加需要搵方法relax，唔係會人都癲。好似香港隊兩位女神，游水歐鎧淳同空手道劉慕裳，都各自有輕鬆空間減壓。
歐鎧淳多重身份爭議大
歐鎧淳係大師姐，亦係香港首位第4次參加亞運游泳選手，下周三將出戰女子100米背泳。Stephanie 壓力比其他運動員可能更大，因為除游水之外，亦身兼藝人同時尚Model身份，香港唔少人有運動潔癖，對佢呢個多重身份，經常有唔少批評。
女神睇相！
Stephanie面對多重壓力，都出席過唔少心靈雞湯活動，剖析自己心路歷程，分享如何減壓。除自身心理之外，佢喺游水之餘，最鍾意玩鋼管舞同瑜珈，前者可以釋放自我，後者則令身心靈得到契合，都係消除壓力、保持平靜自信妙法。當然，亦令Stephaine原本巳經弗爆身型，更加均勻完美。
劉慕裳最Girlfriend-able？
歐鎧淳係最後一次參加亞運，攞牌機會微，最重要挑戰自我，發揮到最好。另一位女神劉慕裳（Grace），空手道項目唔單止爭獎牌，更被睇好為港隊衝金，又係另一種壓力。
因為比賽需要，Grace著上空手道袍、施展臂踢動作時，充滿殺氣之餘，凌厲眼神更加一絕，冇人敢埋身。但私底下，佢其實都鍾意扮靚，名乎其實Pink Lady。
運動場外，Grace係一位愛打扮甜美少女，而且非常喜歡粉紅色，佢嘅Instagram連排版都堅持用粉紅色背景，化粧相好得㗎！更有人讚佢係最「「Girlfriend-able」」嘅空手道女神。
佢同歐鎧淳原來都有共通處，Grace亦鍾意玩鋼管舞㗎！係第二大興趣，但空手道已佔佢太多時間，所以練習機會唔多。女神又fit又靚，總有原因。
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應