杭州亚运｜香港队两大女神 都跳呢种舞减压
2023-09-23 17:05 
杭州亚运打到嚟，星期日正式开赛。好多运动员，虽然身经百战，但去到大赛时刻，唔紧张就假，所以平时更加需要搵方法relax，唔系会人都癫。好似香港队两位女神，游水欧铠淳同空手道刘慕裳，都各自有轻松空间减压。
欧铠淳多重身份争议大
欧铠淳系大师姐，亦系香港首位第4次参加亚运游泳选手，下周三将出战女子100米背泳。Stephanie 压力比其他运动员可能更大，因为除游水之外，亦身兼艺人同时尚Model身份，香港唔少人有运动洁癖，对佢呢个多重身份，经常有唔少批评。
女神睇相！
Stephanie面对多重压力，都出席过唔少心灵鸡汤活动，剖析自己心路历程，分享如何减压。除自身心理之外，佢喺游水之馀，最锺意玩钢管舞同瑜珈，前者可以释放自我，后者则令身心灵得到契合，都系消除压力、保持平静自信妙法。当然，亦令Stephaine原本巳经弗爆身型，更加均匀完美。
刘慕裳最Girlfriend-able？
欧铠淳系最后一次参加亚运，攞牌机会微，最重要挑战自我，发挥到最好。另一位女神刘慕裳（Grace），空手道项目唔单止争奖牌，更被睇好为港队冲金，又系另一种压力。
因为比赛需要，Grace著上空手道袍、施展臂踢动作时，充满杀气之馀，凌厉眼神更加一绝，冇人敢埋身。但私底下，佢其实都锺意扮靓，名乎其实Pink Lady。
运动场外，Grace系一位爱打扮甜美少女，而且非常喜欢粉红色，佢嘅Instagram连排版都坚持用粉红色背景，化妆相好得㗎！更有人赞佢系最「「Girlfriend-able」」嘅空手道女神。
佢同欧铠淳原来都有共通处，Grace亦锺意玩钢管舞㗎！系第二大兴趣，但空手道已占佢太多时间，所以练习机会唔多。女神又fit又靓，总有原因。
---
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应