彭楚盈案丨翁靜晶親述撞鬼經歷！死者「現身」伸冤預先通水：證人唔嚟喇

59歲翁靜晶早前開YouTube頻道「危險人物2.0」，以影片方式再談多宗陳年重案。日前翁靜晶YouTube頻道「危險人物2.0」上載新片，主題是「模特兒彭楚盈白骨案」，翁靜晶2005年接獲模特兒彭楚盈家人求助，翁靜晶向政府提出召開死因庭研訊，至今她仍深信這是一宗冤案。翁靜晶更於片中大談曾與死者彭楚盈「接觸」的靈異經歷，指全因彭楚盈預先「通水」，才不至於上庭時手足無措。

【相關閱讀】：東張西望丨「假和尚」疑再來港化緣搵食 翁靜晶列3點教分真假：個砵只裝食物唔可以收錢

【點擊睇翁靜晶再談彭楚盈白骨案】：

翁靜晶再婚嫁何猷彪，近年不少時間定居外地。

翁靜晶婚後變幸福女人，經常周遊列國。

翁靜晶早前開YouTube頻道「危險人物2.0」。

以影片方式再談多宗陳年重案。

翁靜晶（右）2005年接獲模特兒彭楚盈家人求助，翁靜晶向政府提出召開死因庭研訊，至此她仍深信這是一宗冤案。

當年翁靜晶與律師徒弟Marten是彭家的代表律師。

1999年模特兒彭楚盈被發現於一單位內離世。

早前熱爆電影《毒舌大狀》亦被指是以彭楚盈案作藍本改編。

王丹妮在《毒舌大狀》中，原是一名育有囡囡的模特兒，背景與現實相似。

後來被控誤殺囡囡，坐足兩年冤獄導致性情大變。

黃子華在戲中為王丹妮的代表律師。

當年照片可見發現彭楚盈遺體的單位內非常混亂。

當年照片可見發現彭楚盈遺體的單位內非常混亂。

當年照片可見發現彭楚盈遺體的單位內非常混亂。

當年照片可見發現彭楚盈遺體的單位內非常混亂。

翁靜晶大談曾與死者彭楚盈「接觸」的靈異經歷。

翁靜晶指全因彭楚盈預先「通水」，才不至於上庭時手足無措。

翁靜晶指當年彭楚盈在單位內被發現後，首隊到場的警員即時列此案為謀殺案，其後改為屍體發現案。

2006年召開死因庭研訊，最後雖然都找不出彭楚盈死因，但是翁靜晶認為研訊過程中找出了不少真相。

翁靜晶處理案件期間曾接觸過死者彭楚盈的鬼魂，當時更激動得即時致電給徒弟Marten，又請來家傭作見證。

翁靜晶指最後以「滋滋聲」的長短問彭楚盈問題作溝通，翁靜晶直言嚇到毛管戙。

翁靜晶接獲彭楚盈家屬寫信求助，認為此案疑點重重。

1999年模特兒彭楚盈被發現於油麻地一大廈單位內離世。

彭楚盈是一名模特兒。

彭楚盈陳屍的單位，業主是陳方安生兄長方曼生。

翁靜晶指彭楚盈曾「現身」跟她溝通。

翁靜晶深信彭楚盈不是廢青亦沒有吸毒。

翁靜晶指彭楚盈不認識上庭作供的三位道友。

翁靜晶表示與彭楚盈溝通長達2小時，得知不少內情。

翁靜晶在庭上盤問三位道友，他們自稱跟彭楚盈是好友。

翁靜晶指三個道友聲稱常到訪彭楚盈寓所，又曾為對方慶生，卻對彭楚盈寓所內的間格及彭楚盈的生日日期全不了解。

翁靜晶認為彭楚盈被塑造成廢青，與事實不符。

彭楚盈年僅27歲離世。

彭楚盈本是一名模特兒。

當時有傳媒報道指，彭楚盈是方曼生情婦，但方曼生僅承認與對方是業主跟租客的關係。

 

翁靜晶與律師徒弟Marten一同拍攝新一集「危險人物2.0」，當年翁靜晶與Marten是彭家的代表律師，為死者彭楚盈提出召開死因庭研訊希望得出死因。1999年模特兒彭楚盈遺體被發現於油麻地一大廈單位內被發現，多年來被稱為「白骨案」，早前熱爆電影《毒舌大狀》亦被指是以此案作藍本改編。翁靜晶稱彭楚盈被發現時身手異處，頭顱更在垃圾桶內，經調查後估計彭楚盈屍體由床上跌下床，頭顱因此跌入垃圾桶內。

翁靜晶：本來被列為謀殺案

翁靜晶指當年彭楚盈在單位內被發現後，首隊到場的警員即時列此案為謀殺案，翁靜晶表示：「但過咗半個鐘頭之後，有另外一隊警察，應該係九龍城（警署）嘅，佢哋就嚟接手呢單案件，然後即刻將佢列為屍體發現案，半個鐘頭就由謀殺變屍體發現，點會咁兒戲㗎呢？咁原來呢個九龍城（警署）入面個主管、一個西人嘅女主管……警司，佢就係陳方安生嘅閨密嚟嘅。而呢個單位嘅業主，就係陳方安生個阿哥方曼生。而不為人知嘅就係個死者……嗰副白骨就係一個叫彭楚盈嘅模特兒，佢就係方曼生嘅情婦嚟嘅。」而翁靜晶憶述當年有記者到場採訪，方曼生只表示自己是單位業主，而彭楚盈是他的租客，翁靜晶指：「佢（方曼生）話『佢（彭楚盈）6年都冇交租，於是我搵人嚟收樓，就發現屍體』，呢個係佢（方曼生）嘅講法。」

翁靜晶接獲彭楚盈家屬求助

翁靜晶認為此案疑點重重，後來接獲彭楚盈家屬求助，翁靜晶表示：「我睇咗現場嗰張相，個分佈就講得唔妥，於是就開記者召待會，後來就逼使到香港政府就重開死因庭。」直至2006年召開死因庭研訊，最後雖然都找不出彭楚盈死因，但是翁靜晶認為研訊過程中找出了不少真相，翁靜晶表示：「搵到好多人作假口供，呢單案到而家都畀人一種有強權無公理嘅感覺。」

【點擊睇更多翁靜晶舊照】：

翁靜晶（右）與劉家良（左）在1993年初遇上太平館劫案，事後還當場接受訪問。

1993年太平館劫案警方與歹徒在街頭駁火，更有警察受傷。

事後警方在路上搜找彈頭。

翁靜晶在1984年與劉家良結婚，兩人年紀相差30載。

翁靜晶在1984年與劉家良結婚，兩人年紀相差30載。

翁靜晶嫁劉家良後宣佈息影，轉行做保險，後來進修投身法律界。

翁靜晶嫁劉家良後宣佈息影，轉行做保險，後來進修投身法律界。

劉家良2013年病逝，享年78歲。

翁靜晶與劉家良育有兩個囡囡。

翁靜晶與女兒感情要好。

翁靜晶2019年再婚。

嫁何東爵士曾孫何彪。

翁靜晶被網民封正義女神。

翁靜晶曾拆穿假和尚騙局，掀起一時熱話。

翁靜晶稱自己已是退休狀態。

翁靜晶現時生活寫意。

翁靜晶：我同彭楚盈傾緊偈

翁靜晶律師徒弟Marten憶述當年接獲彭楚盈家屬求助後，處理案件期間曾接觸過死者彭楚盈的鬼魂，翁靜晶當時更激動得即時致電給徒弟Marten，又請來家傭作見證，翁靜晶分享道：「開庭程序係會傳召每個證人上庭，個證人講好咗聽日係邊個（上庭），咁你要準備㗎嘛！當時就知道第二日會有個好似係的士司機會上嚟被盤問嘅，Marten就準備好晒啲問題啦，我覆核一次就準備瞓教，點知臨瞓就聽到房度發出『滋滋聲』。」翁靜晶一度以為漏電，與家傭幾乎將所有插蘇拔掉，但「滋滋聲」仍然存在，「跟住就開始奇怪喇，我就知道個聲跟住我，好似喺我面前咁，我就知道大件事喇！我就直情即刻打電話落去，劉師傅（劉家良）喺樓下睇緊電視，我話『有鬼呀有鬼呀』，跟住我就拎住一張紙，一邊寫Yes，一邊寫No，我仲摺埋張紙仔……三角嘅，我就話『你係咪彭小姐』，之後啲『滋滋聲』好犀利，我就話『OK，你用個箭嘴指Yes定No，指畀我睇你係咪彭小姐』，我就喺度等，但係佢係冇力推個箭嘴嘅，我先知原來睇電影入面話可以郁啲嘢係唔得嘅，係冇力嘅。」而神奇的是翁靜晶指彭楚盈以「滋滋聲」回應她就是彭楚盈。

翁靜晶：彭楚盈唔識嗰三個道友

翁靜晶表示最後以「滋滋聲」的長短問彭楚盈問題作溝通，翁靜晶直言嚇到毛管戙，翁靜晶指：「彭小姐話畀我聽一個好重要訊息，就係本來約咗個的士司機（證人），佢聽日唔嚟喇，聽日係臨場法庭換咗人，邊個嚟呀，有三個道友，畀咗口供嘅，聽日就會嚟（上庭）。」翁靜晶指當時看過所有口供，都是向同一方向走，翁靜晶表示：「咩方向呢！彭楚盈係一個濫交、吸毒、潦倒、冇錢、不負責任嘅一個人，會造成一個咁嘅形象，所以啲口供都係朝呢個方向，塑造到佢好似廢青咁。其實全部都係假，彭楚盈絕對唔係咁嘅人，其實都幾叻女添。最重要係彭楚盈話完全唔識呢三個人（道友）。」翁靜晶表示與彭楚盈溝通長達2小時，得知不少內情。

翁靜晶驚揭更多離奇事

翁靜晶翌日上庭發現證人果真換人，雖然向法官提出反對，但反而被罵，翁靜晶在庭上盤問三位道友，他們自稱跟彭楚盈是好友的，聲稱常到訪彭楚盈寓所，又曾為彭楚盈慶生。不過當翁靜晶在庭上詢問三位證人，彭楚盈寓所內的間格及彭楚盈的生日日期，他們竟完全答不出來。翁靜晶表示：「點解有三個道友出現呢，因為現場發現有針筒，打毒針嘅針筒，想話佢成日同啲道友一齊，打毒針過量打死咗。其實都好特別，邊個話發現現場有毒品呢，就係方曼生講㗎，同記者講㗎，新聞係有出嘅。咁佢都知得好清楚，點解佢會知有毒品呢？」而令翁靜晶更感離奇的是，此案開庭首日，方老太就不幸心臟病發離世，而審此案的外籍法官在結案後不久亦因急病去世，翁靜晶指這位法官本來已升職，事業平步青雲，非常可惜。

 

【其他文章】：

蔡天鳳碎屍案丨翁靜晶93年初遇被捕潘女父親！於太平館與匪徒對峙 為劉家良做一舉動感動「雙槍王」

何猷彪設立「無名女俠金章」以太太命名 　足金鑄造翁靜晶肖像

東張西望丨公屋婆婆打完乞嚏有四位菩薩上身 翁靜晶：一定呃人

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ