余偉文稱未見call loan潮 不排除港銀再加P 「好哋哋還緊錢，做乜call loan」

香港樓價持續下跌，上季負資產個案重上過萬宗，坊間不時傳出有財仔或銀行向業主call loan（要求提早清還按揭貸款）。不過，金管局總裁余偉文表示，未見銀行出現call loan潮；又說「我真係睇唔到點解（如果業主）好哋哋還緊錢，（銀行）做乜要call loan」。他又認為美息會維持高企一段較長時間，但若然美息再升，不排除本港銀行會考慮再調整最優惠利率（P）。

明年減息想法實在「太早」

余偉文指美國通脹雖稍回，但當地通脹組成部分以服務業為主，而服務業通脹一般不會太快降下來。央行間的討論亦指出，利率未必像以前迅速回落，「我都覺得（美國聯儲局主席）鮑威爾（上周）真係講心裏嗰句，就係有機會佢不排除再加息」。他認為，即使利率已見頂或近見頂，對於有人預計明年中減息，他認為實在「太早去諗這個問題」。

他又指「如果美息再走上，港元拆息跟着再上，我亦不排除可能銀行都要考慮調整（利率）」。

「客戶還到款 為何要call loan」

上季本港負資產住宅按揭貸款宗數按季大增2.3倍至1.11萬宗。余偉文稱，這主要與九成按揭有關，樓價自2021年高位至今累跌16.6%，負資產個案自然增多，但佔比很小。

他續指，對銀行而言，按揭是最好的資產，能通過壓力測試的按揭客戶亦足證其還款能力強，所以「如果客戶可以還到款……又無跡象顯示佢可能會拖欠還款，（銀行）為何要call loan，除非佢有1、2個月未能還款……又擔心佢會失業，可能call loan也不出奇」，但目前未見很多call loan的情況。

相關文章：

金融峰會明開鑼 300猛人聚港 余偉文：今年漣漪更大 外資對內地興趣未減

金管局稱銀行打風開市無問題 盼風季前就緒 證券界籲推打風版「T+1」

轉數快12.4可泰國付款 下一步連接其他亞太國家

---

投選心目中把ESG實踐得最好的機構 贏主題樂園門券！ https://bit.ly/46TyJFM

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ