疑慢人一步痛失靚位 長髮女西鐵車廂內開火與婆婆爭位 網民兩邊都唔幫｜Juicy叮

網上近日流傳一段長髮女在西鐵車廂內與長者爭位坐的片段。片中女子對著兩老開火，情緒激動得連和事佬也不放過，怒喊「霸位都唔係咁霸啦，係咪呀」、「唔係坐嘅問題，佢好老咩！」。

結果引來車廂乘客的目光與看不過眼乘客的非議，乘客們沒好氣地以一句「同佢講都嘥氣」作結。短片在網上流傳後，惹來網民食花生，有人卻兩邊都唔幫......

長髮女車廂內與長者爭位逐格睇↓↓↓↓＋ 雙方精彩對答節錄↓↓↓↓

從短片對答得知，雙方差不多時間進入車廂，但長髮女可能慢人一步，看中的座位被早著先機的婆婆佔去，情緒於是變得激動而破口大罵。

長髮女：你行過嚟就坐喺呢度，你仲（霸埋隔籬位）。網上截圖

長髮女：我覺得佢咁樣做嘅做法係唔啱。網上截圖

婆婆：霸乜嘢呀，你到我又到吖麻。網上截圖

長髮女：我唔需要坐，但係你咁樣唔啱，我已經行到嗰度喇，佢呢嚟霸位。網上截圖

長髮女：我唔係坐嘅問題，你有冇聽我講到嘢呀。網上截圖

伯伯：我哋幾十歲，你真係，你呢啲後生女真係。網上截圖

精彩對答節錄如下↓↓↓↓

（短片開始時）長髮女：你行過嚟就坐喺呢度，你仲（霸埋隔籬位）
婆婆：呢度我入嚟坐喺呢度
伯伯：俾你坐啦做咩啫
長髮女（指著婆婆）：唔係坐嘅問題，係你咁樣就係唔啱
婆婆：乜嘢叫唔啱呀，你行過嚟，我又係行過嚟
長髮女：你係度攔住

和事佬一：坐一陣啫嘛，畀你坐，畀你坐
長髮女：我覺得佢咁樣做嘅做法係唔啱
伯伯：我哋大家一齊到㗎
長髮女：唔係，我嚟到呢度，佢霸個位俾你，你咁樣唔啱

乘客：你咁大聲
長髮女：霸位都唔係咁霸啦，係咪呀
婆婆：霸乜嘢呀，你到我又到吖麻
和事佬二：靚女，你都讓下80幾歲嘅人啦，讓下老人家啦後生女

和事佬三：我俾我個位你坐
長髮女：我唔需要坐，但係你咁樣唔啱，我已經行到嗰度喇，佢呢嚟霸位
婆婆：你行到嚟，我真係行到嚟

長髮女：我唔係坐嘅問題，你有冇聽我講到嘢呀，佢好老咩，佢幾多歲呀
乘客：唔好理啦，同佢講都嘥氣啦
長髮女：你80歲呀你

伯伯：我哋幾十歲，你真係，你呢啲後生女真係，無啲咩嘅
婆婆：我「得」咗落去先啫，佢又話佢到先

婆婆：打橫吖你呀......你越惡我就越唔起身
長髮女：我唔需要你起身，我係因為你係咁樣係唔啱
婆婆：報警吖......

長髮女車廂內與長者爭位逐格睇↓↓↓↓＋ 網民食花生回應↓↓↓↓

網上流傳一段長髮女在西鐵車廂內，與長者爭位坐的片段。網上截圖

長髮女對著兩老開火。網上截圖

長髮女：唔係坐嘅問題，係你咁樣就係唔啱。網上截圖

事件引來車廂其他乘客的目光。網上截圖

和事佬：坐一陣啫嘛，畀你坐，畀你坐。網上截圖

網民重申尊老愛幼 傳統美德

雙方由天水圍站一路吵至朗屏站，最終長髮女站於兩位長者的座椅旁，短片就此作結。回應的網民一人一句大吃花生。有網民看過短片後理順情景，指「相信是女人到先準備坐時阿婆突然急步攝下坐」，於是引起網民熱議「倚老賣老」這點。

有人指「我睇到一些留言，但係我想講一句：唔好倚老賣老，做人嘅嘢，貴乎大家互相尊重」、「讓老人家應該的......但又真係好多老人爭位衝埋去，兩邊都唔幫」。不過，有人始終重申敬老美德，指「尊老愛幼，傳統美德」，「邊個啱，邊個唔啱都好，後生仔敬老，讓下人哋都好應該！」。

另有人批評長髮女在車廂內指罵「一點教育全無」、「坐少陣會死咩！」，因而估計她可能「只是想罵人而已，聽，她說：我唔係要坐。莫名其妙」。

長髮女車廂內與長者爭位逐格睇↓↓↓↓＋ 網民食花生回應↓↓↓↓

疑慢人一步痛失靚位 長髮女西鐵車廂內開火與婆婆爭位 網民兩邊都唔幫 ​

長髮女：我覺得佢咁樣做嘅做法係唔啱。網上截圖

和事佬：你都讓下80幾歲嘅。網上截圖

伯伯：我哋幾十歲，你真係，你呢啲後生女真係。網上截圖

短片就此結束。網上截圖

與車廂有關相關新聞：

車廂MMA｜粉裙赤腳女平底鞋連扑黑衣漢 乘客勸架險中招

車廂MMA｜粉裙赤腳女平底鞋連扑黑衣漢 乘客勸架險中招

港鐵太和站MMA｜貌似「吳卓羲」黑衣男車廂大混戰 對手全程任打 竟靠一招反勝

港鐵太和站MMA｜貌似「吳卓羲」黑衣男車廂大混戰 對手全程任打 竟靠一招反勝

港鐵MMA現怪招 狠婦「動口」死咬大媽 4大漢扯唔開猛嗌

港鐵MMA現怪招 狠婦「動口」死咬大媽 4大漢扯唔開猛嗌

----

《星島頭條》APP經已推出最新版本，請立即更新，瀏覽更精彩內容：https://bit.ly/3yLrg