專欄｜藍紅戰入球「大」騷

英超第13輪繼續連場大戰，曼城本周在主場硬撼利物浦，或會影響聯賽榜榜首位置。

主隊藍月亮上仗對住車路士失分，今仗首席射手艾寧夏蘭特於國際賽期間受傷，上陣成疑，但球隊攻力遍地開花，入球能力絕對不用擔心；不過上仗鬥車路士失4球，防守似乎出現漏洞，主帥哥迪奧拿將文路爾艾簡治打前一格，與洛迪卡斯簡迪成雙防中，全隊壓前進攻的確令攻力增強，但後防亦曝露更多空間，失球在所難免。

曼城今仗對手利物浦亦是攻力極強的球隊，場均射門次數暫時英超最好。該隊今季一洗頹勢，加上前線嘅組織默契漸趨成熟，達雲紐尼斯、加普、路易斯迪亞斯及迪亞高祖達亦搵到自己嘅定位；前鋒穆罕默德沙拿除了追趕神射手寶座外，亦即將迎來佢喺英超嘅第150個入球。呢場個人同團隊榮譽嘅大戰，相信雙方都不會手軟。佩芝

-----

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ