專欄｜愛華頓夠力火燒森林

今個禮拜同大家繼續關注愛華頓，雖然上星期不敵曼聯3球，但當中仍可找到機會和亮點。

拖肥糖好早階段先輸畀阿歷真度加拿祖嘅「天外飛仙」，以往好早可以擺入「雪櫃」，今場波再一次展現到反擊一面，既有杜哥利黃金機會，又有杜韋麥尼爾右腳近射，可惜上半場都係差少少。愛記唔止係靠Set Play，生波時亦有左右轉邊、中場三角戰術，然後才利用個人技術殺入禁區，唔再係單單斬入去，尤其是Longball只得30次，少過曼聯足足12次，展現出唔同既風格。中場防守依然係非常之穩固，令曼聯入唔到心臟地帶，可惜及後被罰12碼判咗呢場波死刑。

儘管今周卡維特利雲上陣成疑，阿馬度奧拿拿依然缺陣，攻守兩方會打咗唔少折扣，不過今季最重要嘅球員一定係杜哥利，以往佢入得最多波嘅賽季都係7球，然而今季只係過咗3分1，佢已經入咗4球，暫時係球隊嘅神射手。我Will仔大膽講句，佢先係最重要嘅得分點。愛華頓今季作客嘅成績亦都標青，3勝1和2負有10分，聯賽排第9，相比起主場只得4分，作客成績肯定好好多。

所以作客森林呢場波，愛記絕對有機會全身而退，甚至攞埋3分，因此小弟就博個客Win。Willhappy

-----

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ