专栏｜爱华顿够力火烧森林

今个礼拜同大家继续关注爱华顿，虽然上星期不敌曼联3球，但当中仍可找到机会和亮点。

拖肥糖好早阶段先输畀阿历真度加拿祖嘅「天外飞仙」，以往好早可以摆入「雪柜」，今场波再一次展现到反击一面，既有杜哥利黄金机会，又有杜韦麦尼尔右脚近射，可惜上半场都系差少少。爱记唔止系靠Set Play，生波时亦有左右转边、中场三角战术，然后才利用个人技术杀入禁区，唔再系单单斩入去，尤其是Longball只得30次，少过曼联足足12次，展现出唔同既风格。中场防守依然系非常之稳固，令曼联入唔到心脏地带，可惜及后被罚12码判咗呢场波死刑。

尽管今周卡维特利云上阵成疑，阿马度奥拿拿依然缺阵，攻守两方会打咗唔少折扣，不过今季最重要嘅球员一定系杜哥利，以往佢入得最多波嘅赛季都系7球，然而今季只系过咗3分1，佢已经入咗4球，暂时系球队嘅神射手。我Will仔大胆讲句，佢先系最重要嘅得分点。爱华顿今季作客嘅成绩亦都标青，3胜1和2负有10分，联赛排第9，相比起主场只得4分，作客成绩肯定好好多。

所以作客森林呢场波，爱记绝对有机会全身而退，甚至攞埋3分，因此小弟就博个客Win。Willhappy

-----

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ