車站奇觀｜手推車綁安全帶泊港鐵車廂內 輪椅客搭電梯網民驚泰山壓頂｜Juicy叮
2023-12-16 08:01 
列車上和車站內不時出現奇觀。一輛孤零零的手推車被發現泊於港鐵車廂的扶手旁，「車主」臨落車前才現身攞車，引起網民關注，有人笑言是「違例泊車」；另有人在屯門站內目擊輪椅乘客張開雙手，扶緊扶手乘搭電梯一幕。
樓主前日（14日）晚上7時57分，在facebook專頁「香港失物報失及認領群組」以「即時觀塘線往何文田」為題上載相片，到晚上8時09分跟進帖文，指「物主已在太子站領回」。
手推車泊港鐵車廂內逐張睇↓↓↓↓＋ 網民側目回應↓↓↓↓
網民：係咪搭港鐵嘅挑戰嚟？
第一張相見到，張開的手推車孤零零泊於車廂扶手旁，並以編織手繩固定位置。第二張相片見到編織手繩已解開，疑似「車主」拿回手推車正準備下車。
樓主在回應網民提問時稱，「（起初）冇人知道係邊個咁放喺度嘅，直至到物主落車嗰刻 」。回應的網民驚問「係咪搭港鐵嘅挑戰嚟？」，形容情況「很誇張」，更有人笑指是「違例泊車」，應該罰款。
港鐵回應《星島頭條》查詢時呼籲乘客應小心看管隨行物品，並避免有關物品對其他乘客造成影響。
同場加映：輪椅乘客搭電梯泰山壓頂 網民憂變保齡球
另外，有網民早前在港鐵屯門站目擊輪椅乘客乘搭扶手電梯一幕，將相片上載至facebook專頁「顯影屯門。青山散步」，並留言「10-12-23 11:24 屯門西鐵站，你條命自己可以唔要，但你都要顧及其他人設想」。
樓主在電梯中段拍攝，見到張開雙手扶著扶手的輪椅乘客，在電梯頂準備離開，而電梯下連同樓主至少還有2名乘客。
輪椅客搭扶手電梯逐張睇↓↓↓↓＋ 網民側目回應↓↓↓↓
網民：千祈唔好跟佢後面
回應的網民替樓主抹一把汗，指「最怕碌落嚟時，變雪球效應，嗰時就大劑」、「一下扶唔實就好似打保齡球咁」，提醒「千祈唔好跟佢後面」。
有網民則指樓主好勇，笑稱「有3個無名英雄準備接應」、「但你唔怕照樣行上去，敬禮」、「你都好勇，跟後面」，獲樓回應指「未接先畀佢壓死」、「上咗先知，走唔到」、「上咗扶手梯先見到，想走都走唔到」。另有網民估計是升降機維修，建議「如果真係上咗電梯，可以幫佢手頂住後面」，也有人笑言是「練手力」，有則批評對方「要快唔要命」。
網民：係輪椅人士生活技能一種
不過也有網民認為「應該冇問題。佢架係手推輪椅，隻手好力過一般人。佢有判斷過自己能力嘅」、「係輪椅人士生活技能一種」、「用得運動輪椅手力會比一般人好」、「我自己本身都是運動輪椅使用者、我懂得以上技巧，我在外國、香港經常都是這樣」、「我見外國會教點用扶手電梯」。
港鐵則呼籲乘客如乘坐輪椅，請乘搭升降機。如有需要，可向職員求助。
港鐵相關新聞：
補習室車卡？ 青年港鐵車廂開摺枱溫書 網民轟自私：似廟街檔口
男女合力搬枱搭港鐵 車廂變書房？ 兩派網民幾爆罵戰：一次咁多算啦
乘客推大雪櫃搭港鐵 竟成功落到月台 職員攔截手勢成焦點
洋漢揸「四輪電動車」殺入尖沙咀港鐵 成功入閘駛進車廂 現場職員咁反應
港鐵扶手梯「企定定」慘遭惡女回頭嘲 「左行右企」慣例仲有無？港鐵咁講...
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應