獨家丨J2文頌男自揭坎坷命運被父親拋棄變街童 患罕見癌症心酸哭訴：好慘

J2節目《不正常愛情研究所》主持文頌男（Koba）確診罕見癌症(尤文氏肉瘤)，椎間近盤骨位有個6厘米大的惡性腫瘤，因為劇痛要跪坐及扶住行，目前全面停工做化療，並靠眾籌舒緩經濟壓力。28歲的Koba慨嘆人生不停面對挑戰，自揭12歲時父親拋妻棄子，曾輟學變街童，及後發奮取得教育大學雙學士學位，以為從此有好日子過，對父親充滿恨意又被分手的Koba講到眼濕濕：「自己好可憐，好慘！」採訪：方騫平 攝影：鄧國良

化療後甩髮的Koba索性做光頭仔。

Koba講到坎坷命運，忍唔住流淚。

Koba對自己都遭遇覺得好慘。

因為腫瘤位於椎間近盤骨位，痛到要跪住坐。

行得有啲吃力。

半年前，Koba椎間位置劇痛，睇完脊醫冇改善，因為瞓唔到又坐得辛苦，最長試過以跪式平板支撐近20個鐘。由於初出茅廬冇錢買保險，公立醫院要排期一年，最後轉往深圳港大醫院求醫並獲知確診罕見癌症，馬上返港衝屯門醫院急症室，醫生指尤文氏肉瘤好少出現成年人身上，而且位置罕見，他自嘲係個特別的人。

劇痛到覆診都要臥床。

Koba最初往在深圳港大醫院求醫確診罕見癌症。

 

Koba患病前係肌肉男。

眾籌未夠十萬善款

目前Koba先接受6個cycle化療，待腫瘤縮細才能做手術：「啱啱完成第一個cycle共打5針，化療後唔止甩頭髮及肚餓，仲好眼瞓，最慘會反胃冇晒食慾，但飢餓感好唔舒服，令到全身麻痺痛，好似俾人打一身，恰住眼瞓都要食藥、飲嗎啡止痛、迫自己食啲嘢。」至今Koba眾籌雖然未夠十萬善款，但總算幫到生活開支：「因為係罕見癌症，針對嘅藥物唔多，最驚用藥耐咗會有抗藥性，要自費買貴藥，慶幸暫時藥物效果仲可以。」

第1個cycle化療，第3至5針要入院做。

病床位於走廊。

一臉病容。

做化療。

醫院飯餸。

要飲嗎啡止痛。

每隔4小時服藥。

好辛苦呀。

仲要面對5次療程。

直播交代病況。

 

化療後好辛苦。

由於要眾籌故公開交代病歷。

患病期間慘被分手

Koba自爆患病期間被分手，拍拖一年嘅男伴抵受不住壓力離去，Koba只能認命：「咁我都明白做唔到正常情侶嘅嘢，每次佢都係嚟照顧我，陪我進出醫院，自己又未必能百份百康復，快啲放人走唔好浪費人家青春。」面對雙重打擊，他坦言係連環不幸，但他早已習慣面對挑戰及困難。Koba指父親在他12歲時離家玩失蹤，後來發現早已暗交菲律賓情婦3年，令3母子陷入困境，情緒崩潰的媽媽為搵食，冇時間照顧仔女：「我中三輟學變街童，做外賣仔維生，曾被引誘吸毒做小偷，好彩唔夠膽試，年多後突然醒覺要發奮，更慶幸有後補位(成績太差正選唔收)，入咗職訓局讀IT，最後以優異成績考入教育大學，取得藝術管理及藝術教育雙學士資格。」Koba曾因迷失變得抑鬱，甚至有輕生傻念，到畢業後做到喜歡嘅J2節目及網上節目主持工作，以為人生步入順境。

Koba12歲時，爸爸離家出走。

做實習老師時跟學生合照。

Koba持教育大學雙學士學位。

在網劇《毒禍2》中，飾演現實中做過嘅壞學生。

Koba係J2節目《不正常愛情研究所》主持。

Koba正職係主持、拍攝及剪接網上節目。

曾求助爸爸冇回覆

對於患上罕見癌症，Koba邊拭淚邊痛心說：「個天無止境咁考驗我…我覺得好慘、好可憐呀！有晚同朋友傾開由細到大嘅經歷都爆喊。我都想人哋覺得我係幸福嘅！由爸爸一走了之後，我乜都冇晒，佢攞走晒我所有嘢，令我變得咁坎坷…」最近Koba在網絡上搵到爸爸，跟新歡收養咗菲籍繼女，一家人經常去旅行及出入高級餐廳過得好開心，他感慨說：「我連讀書都要靠獎學金嚟撐自己…唉！我曾私訊向爸爸求助，同佢講『我有病但冇錢，可唔可以畀啲錢我到醫院照吓片？』但佢冇覆我。媽媽苦笑叫我放下『過去嘅嘢改變唔到。』」問到可有想過求助曾志偉及古天樂？他笑說唔敢驚動大人物，但都有啲希望：「我唔係要求得到私家好醫療，如果他朝真係要用特別藥物時，希望得到資助，期望好返時畀啲好節目我，因為我好用心做幕前。」

三母子相依為命。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ